________________
जयन्ती प्रकरणवृत्तिः । गाथा ४/५/६
धारिन्तो वि य वित्तं पुन्नं जेणेस रोहिणीरमणो । ईसरसिरोनिवासं कुरंगमलिणो लहइ नेव ||३०|| तो अम्हे कह ? जामो नियए नयरम्मि सयणमज्झम्मि । जाणंता वि य जणणीगमणं पावं दुरप्पाणो ॥ ३१॥ अंसुजलेण हिययत्थलम्मि सिंचंति मन्नुतरुमूलं । दो मित्ता दट्ठूणं जिणदत्तसुयं महासत्तं ॥३२॥ जिणदत्तएण एवं वुत्ता मित्ता किमित्थ सोएण ? । बहुदविणेण वि संपइ मिल्हाविज्जन्तु जणणीओ ||३३|| अम्ह रयणं सो च्चिय गुणरासी होउ सव्वहा गरुओ । वेसत्तणावडाओ जणेया उद्धरिज्जन्ति ॥ ३४ ॥
जत्थ तिवग्गसिद्धी सो दिज्जइ जेहिं माणुसो जम्मो । इहलोयदेवयाइं पियराई ताई भन्नन्ति ||३५||
अन्नं च
अणुहवइ दुहं जणणी जमेगदिवसम्मि गब्भवहणेण । तस्स न निक्कयदाणे सको पुत्तो जयवि चक्की ||३६|| दुक्कम्मबन्धणेसु गणियागेहेसु गुत्तिसरिसेसु । दुक्कम्मरायखित्ता मोयाविज्जन्तु जणणीओ ||३७| जिणदत्तसुणेवं वुत्ता ते हुन्ति अमियसंसित्ता । दाऊण बहुं दविणं तो मोयाविन्ति जणणीओ ||३८|| अम्हाणमि पुत्ता पोय च्चिय जेहि एस उत्तिन्नो । अव्वावारसमुद्दो जलजन्तुभरेण संकिन्नो ॥३९॥ इय हिट्ठाओ ताओ जणणीओ जाव जाणवत्तेसु । आरूढाओ नियघरगमणोम्माहेण गरुएण ॥४०॥ पीइमइ - कंतिमई एयाओ तयणु ताव चिन्तन्ति । कह सयणाणं पुरओ दाइस्सामो नियमुहाई य ॥४१॥
अणुवो दावो अह मणं काणणं दहइ अहियं । तो उण्हा तेसिं निसासा धूमलयाउ व्व पसरन्ति ॥ ४२ ॥
Jain Education International 2010_02
For Private & Personal Use Only
१९९
5
10
15
20
25
www.jainelibrary.org
