________________
5
10
15
20
25
१९८
Jain Education International 2010_02
जयन्ती प्रकरणवृत्तिः । गाथा ४/५/६
किं ? सुगुरूणं निम्मलगुणमणिरोहणगिरीण सविहम्मि । लद्धं विवेयरयणं तेण हयं मोहसंतमसं ॥ १७॥
तो मियमहुरगिराए पुच्छइ इय चिन्तिऊण बुद्धिमई । तुझे कओ पुराओ इहागया कहइ मह देव ! ॥१८॥ अम्हे तिन्निवि मित्ता गिरिनयरनिवासिणो वणियपुत्ता । बालते तेणेहिं हरियाओ अम्ह जणणीओ ॥१९॥ इय भणिए तेण सा भणइ इमे तिन्नि किं तर्हि वणिणो । treat पियमित्त धणदत्तो सोम ! निवसन्ति ? ॥२०॥ तेणोत्तं किं कज्जं ? तुम्हाणं तेहिं दूरवासीहिं । तीए वुत्तं अम्हं ते पइणो हुन्ति तिन्हं पि ॥२१॥ संभंतेणं तेणं भणियं तो काइ मज्झ जिणदत्तो ।
ओत्ति तओ एसा रोवइ कण्ठम्मि घेत्तूण ||२२|| हा पुत्त पुत्त वच्छल ! कह मह एसा दसा दरोत्तारा ? । तइलोयकुच्छणिज्जा जाया पावाणुभावेण ||२३||
एवं चिय सलहिज्जइ पुत्तय ! इह मह अमग्गपडियाए । दइवेण वि नडियाए जमणायारो न संजाओ ||२४|| ता सिग्घं गच्छ तुमं इमं वेइस्साण कहसु निब्भन्तं । जं ते दुक्कम्मवसओ वुच्छा जणणीण गेहेसु ॥ २५॥ तो माइवयणओ सो तुरियं गन्तूण ताण तं कहइ । ते वि य नाऊणेवं सुइरं निन्दन्ति अप्पाणं ||२६|| जणणीगमणकलंकियदेहाणं अम्ह कह हविज्ज इह सुद्धि । तित्थेण व दाणेण व तवेण विणएण किं गुरुणा ? ||२७|| धन्नो जिणदत्तसुओ सदारसन्तोसजाणवत्तेण । वसणसमुद्दो रुद्दो नित्थिन्नो जेण लीलाए ||२८||
१. द्वेष्य- अप्रीतितिकर ।
अम्हे अन्नाणन्धा जणणीगमणम्मि पावकम्मम्मि | खुत्ता हाहा पाणा कहं अणाया न गच्छन्ति ? ||२९||
For Private & Personal Use Only
www.jainelibrary.org
