________________
5
जयन्तीप्रकरणवृत्तिः । गाथा ४।५।६
तत्थेगं बुद्धिमइं परिणेइ जिणदत्तसावओ गुणवं । पीइमइं पियमित्तो कन्तिमई तइय धणदत्तो ॥४॥ भोगे भुंजन्तीणं ताणं एक्कक्कओ हवइ पुत्तो । अणुदियहं परिवड्डइ सह पुत्तेहिं सिणेहो वि ॥५॥ उज्जाणे अन्नदिणे ताओ वणदेवय व्व कीलन्ति । दिट्ठा कुसुमालेहिं मणहरनेवत्थरम्माओ ॥६॥ हरिऊणं हिढेहिं पारसकूले महल्लमोल्लेण । विक्कीया संगहिया गणियाहिं अइवियड्ढाहिं ॥७॥ पणरमणीण कलाणं पारगया हुन्ति तयणु सिक्खविया । भोगीणं अइइट्ठा जाया पायालकन्न व्व ॥८॥ ताण सुया य गुणुत्तमदसलग्गा कमेण तारुन्ने । दिप्पंति कुलपईवा पवड्डमाणेण नेहेणं ॥९॥ सुहओ न होइ सययं जलही बंधेण सेलकढिणेण । रामस्स व सीयाए भोगो जणयस्स लच्छीए ॥१०॥ लज्जिज्जइ तणएहिं सुकुलुप्पन्नेहि सिक्खियकलेहिं । जणयसिरीभोगेहिं जह जणणीथन्नपाणेण ॥११॥ ते धन्ना कयपुन्ना सुकुलुप्पन्ना सुया सुहाविन्ति । जे नियभुयसमुवज्जियलच्छीसंभोगललियंगा ॥१२॥ इय संलावे एगम्मि वासरे ताण तिन्हतणयाण । पारसकूले गमणं होइ धणोवज्जणाहेउ(ऊ) ॥१३॥ भवियव्वयावसेणं वेसावस्साण ताण जणणीण । वुच्छा गेहेसु मणिमयभूसणरमणीयसिंगारा ॥१४॥ किं पुण जिणदत्तसुओ परदारपरम्मुहो महासत्तो । धणीयमवियारचित्तो न होइ विसएसु आसत्तो ॥१५।। तो बुद्धिमई एसा वेसा चिन्तेइ विम्हयवसेण ।
तारुन्ने लावन्ने सन्तो दन्तो कहं एसो ? ॥१६॥ १. चौरैः ।
Jain Education International 2010_02
For Private & Personal Use Only
www.jainelibrary.org
