________________
१९२
10
जयन्तीप्रकरणवृत्तिः । गाथा ४।५।६ एगम्मि दिणे दटुं पव्वयगं एइ नारओ। गेहे नेहेणं गोट्ठीए चिट्ठइ सविहे चिरं कालं ॥१७।। पव्वयगेणं तत्थ य सुणमाणे नारयम्मि वक्खायं । सिस्साणं वेयपयं अएहि छगलेहिं जट्ठव्वं ॥१८॥ तो नारएण भणियं न होइ एयंति जेण इत्थ अया । भणिया गुरूहि पुव्वं तिवरिसिणो वीहिणो चेव ॥१९॥ भवियव्वयावसेणं बद्धामरिसाण ताण संजाओ। पव्वयग-नारयाणं अइवगरुओ विसंवाओ ॥२०॥ कारुन्नखीरजलही जीवविघायस्स वारणे रसिओ । जीहच्छेयपइन्नं करेइ अह नारओ तत्थ ।।२१।। एत्थ विवाए जाए अम्हाण पमाणमेस नरनाहो । एसो हु सच्चवाई सिद्धो अम्हं सहज्झाई ॥२२॥ सुच्चा विवायमेवं जणणी पुत्तस्स पिच्छइ अवायं । तो कम्पमाणहियया पव्वयगं भणइ एगन्ते ॥२३॥ वच्छ ! पइन्ना तुमए कीस कया ? नारएण सह एवं । अलियं चिय जं वयणं अएहिं छगलेहिं जन्नं ति ॥२४|| नारयवयणं सच्चं जाए मए णेगहा वि तुज्झ पिया । वक्खाणन्तो निसुओ अएहि वीहीहि जट्ठव्वं ॥२५॥ पव्वयगेणं भणियं माइ तुमं कीस खेयमुव्वहसि ? । कम्माणुसारिणी जं मई सई परिणइ होइ ॥२६॥ रयणीए वसुरायं निहुयं गन्तूण भणइ तो जणणी । नारय-पव्वयगाणं वेयपयत्थे विवायम्मि ॥२७।। जीहच्छेयपइन्ना तुमं पमाणं ति इत्थ पडिवन्नो । जइ होइ सच्चवाई महपुत्तो तह करिज्जासु ॥२८॥ इय वुत्तो वसुराया महनाणगुरुस्स पणयिणी एसा । एवं दक्खिन्नेणं पडिवज्जइ झत्ति तव्वयणं ।।२९।।
15
20
25
Jain Education International 2010_02
For Private & Personal Use Only
www.jainelibrary.org
