________________
१९३
10
जयन्तीप्रकरणवृत्तिः । गाथा ४।५।६
जाए पभायसमए निवम्मि अत्थाण मंडवासीणे । पव्वयगनयरलोए समागए नारएणेवं ॥३०॥ भणिओ वसुनरिन्दो सच्चव्वयणो सि तं जए सिद्धो । वेयज्झयणे अहं सहअज्झाई तुमं होसि ॥३१॥ सच्चं सिवपुरमग्गो सग्गो वि य होइ सच्चवयणेण । सव्वसुहाण निहाणं सच्चं च्चिय जाणसि तुमं पि ॥३२॥ सच्चासत्तो पुरिसुत्तमो त्ति विक्खायकित्तिसम्भारो । सोहग्गनिही जीवो अच्चुयसीलो जए होइ ॥३३॥ कल्लाणमुत्तिजुत्तो मेरुगिरिन्दो व्व लोयमज्झत्थो । धम्मतुलाचउरासमगुरु त्ति तं लद्धमाहप्पो ॥३४॥ तो कहसु नाणगुरुणा खीरकयम्बेण किमिह वक्खायं ? । तिव्वरिसियवीहिहिं अएहिं किं ? अहव छागेहिं ? ॥३५॥ मोहमहागहगहिओ वसुरायनरयनयरपहपहिओ। भणइ असच्चं वयणं अएहिं छागेहिं जट्ठवं ॥३६॥ रुटकुलदेवयाए असच्चवयण त्ति एस वसुराया । सिंहासणाउ सिग्धं निवाडिओ धरणिवट्टम्मि ॥३७।। धिक्कारिओ जणेणं महयापावेण भारिओ झत्ति । पंचत्तं सम्पत्तो पत्तो नरयम्मि सो पावो ॥३८॥ सक्कारिओ य बहुहा लोएणं नारओ सुगइगामी । एसो करुणारामो सफलो च्चिय सच्चवाइ त्ति ॥३९॥ पव्वयगो पुण नयरा पहाणलोएहि मिच्छवाइ त्ति । निव्वासिओ अरन्नं गच्छइ धेक्कारहयतेओ ॥४०॥ एवमसच्चं वयणं पव्वयग-वसूहि जंपियं जायं । कमसो अणज्जवेओप्पत्तीओ पावट्ठाणं ति ॥४१॥
मृषावादाख्यानकं द्वितीयं समाप्तम् ॥
15
20
25
Jain Education International 2010_02
For Private & Personal Use Only
www.jainelibrary.org
