________________
१८८
जयन्तीप्रकरणवृत्तिः । गाथा ४।५।६ अमुणियकज्जाकज्जा लज्जं मुत्तूण थावरस्सेसा । अप्पाणं अप्पित्ता अहऽन्नया संपया भणइ ॥३७॥ भद्द ! तुम हणसु इमं गच्छन्तं गोउलम्मि अणुयन्तो । जेण तुमं सुहय ! अहं गिहसामित्तम्मि ठावेमि ॥३८।। पडिवज्जइ मूढमणो वयणं सो संपयाइ पावं पि । महिलामोहहिमेणं डज्झइ जं नाणकमलवणं ॥३९॥ जाणावइ मुणिचन्दं बन्धुमई वइयरं इमं नाउं । सो पुण तुहिक च्चिय चिट्ठइ गंभीरपरिणामो ॥४०॥ कइवणदिणपज्जन्ते रुयमाणि सम्पइं पलोइत्ता । पुच्छइ मुणिचन्दो वि य कीस अकम्हा तुमं रुयसि ? ॥४१॥ सा जम्पइ कवडमुही पइमासं गोउलाउ तुज्झ पिया । गंतूणं आणाविय घयाइ सयणाण वियरन्तो ॥४२॥ तं पुण अलसो पुत्तय ! गन्तूण न गोउलं निहालेमि । तो सच्चमिइ भविस्सइ परो वि कम्माइ खाइ परो ॥४३॥ मुणिचन्देणं भणिया जणणी अम्मो ! पभायसमयम्मि । वडवहे गोयलए वच्चिस्सं थावरेण समं ॥४४॥ तो जायम्मि पभाए मुणिचन्दो थावरेण सह जाइ । तुरगारूढो संकियचित्तो पुण जमलिओ चेव ॥४५॥ अह खड्डाए तुरओ उप्फिडिउं अग्गओ हवइ जाव । तो थावरो वि खग्गं आकड्डइ मग्गओ हन्तुं ॥४६॥ पडिच्छायादिट्ठीए खग्गस्सायड्ढणं मुणइ झत्ति । मुणिचन्दो ता तुरयं वाहित्ता गोयले पत्तो ॥४७|| अग्गिल्लएहि अइगओरवेण सम्माणिओ तओ एसो । भुत्तो य थावरेणं सद्धि अपयासियवियारो ॥४८॥ गोवाडयम्मि पयरिक्कयम्मि सिज्जं ठवेह रयणीए । पिच्छामि जेण सम्मं सव्वं गोवसहवच्छाइ ॥४९॥
15
20
25
Jain Education International 2010_02
For Private & Personal Use Only
www.jainelibrary.org
