________________
१८९
5
जयन्तीप्रकरणवृत्तिः । गाथा ४।५।६
एवं मुणिचन्देणं आइटे थावरो वि हिट्ठमणो । चिन्तइ सुहेण एवं असहायमहं हणिस्समि ॥५०॥ रयणीए सिज्जाए खोडिं वत्थाइयं करेऊण । मुणिचन्दो खग्गकरो एगन्ते चिट्ठए जाव ॥५१॥ ता एस थावरो वि य खोडिं खग्गेण हणइ रुद्दमणो । मुणिचन्देण य असिणा पंचत्तं पाविओ झत्ति ॥५२॥ गोवाडयाउ बाहिं निणीत्ता पुक्करेइ मुणिचन्दो । हीरन्ति अहो धावह धावह चोरेहि गाविओ ॥५३॥ कुढिएसु आगएसु नट्ठा चोरा हओ य थावरओ। गाविओ आगयाओ पयासियं इइ छइल्लत्तं ॥५४॥ मुणिचन्दं काराविय मयकिच्चं थावरस्स गेहम्मि । इंतं पिच्छइ जणणी चिन्तन्ती किमिह होहि त्ति ? ॥५५।। दट्ठण तं पुच्छइ नायाओ थावरो किमिह वच्छ ! । तेणुत्तं सो पच्छा आगच्छइ मन्दपयचारो ॥५६॥ कीले असिम्मि सोणियगंधेण पिपिलियावलोएण । कुद्धा सुयम्मि जणणी सुन्हाकीरंतपयसोए ॥५७।। अणुमाणनायथावरमरणुप्पन्नेण मन्नुणाऽक्कन्ता । घेत्तूण असिं जणणी छिन्दइ मुणिचन्दसिरकमलं ।।५८|| दिढकंचिबंधणेणं तत्तो मुसलेण वज्जकढिएण । सुन्हाए पइमारणकुवियाए सम्पया हणिया ॥५९॥ पुट्ठा लोएणेसा सा गिहेगदेसम्मि ट्ठिया इइ बन्धुमई । भाउज्जायं न हणसि ? कीस तुमं जणणीघाए वि ॥६०॥ भणियमणाए गुरुजणवियन्नपडिवन्नम्मि जाजीवं । पाणाइवायविरमणवयम्मि लीणं मणो मज्झे ॥६१।। इइ संसियम्मि नियमे बंधुमई सलहिया पुरजणेण । धन्नासि तुमं भद्दे ! जीए करुणेक्कपरिणामो ||६२॥ गिहसव्वस्सं रन्ना गहियं सुन्हा य चारए खित्ता । एसो पाणाइवाओ पावट्ठाणं हवइ पढमं ॥६३।।
प्राणातिपातकथानकं प्रथमं समाप्तम् ॥
Jain Education International 2010_02
For Private & Personal Use Only
www.jainelibrary.org
