________________
१८३
जयन्तीप्रकरणवृत्तिः । गाथा २।३
पंचप्पयारविसओवयारपंकम्मि मह निमग्गस्स । हीही सिद्धिं पुरिं पइ चरणपवित्ती न संजाया ॥८३।। अमियारम्भपरिग्गहरूवाए चक्कवट्टीलच्छीए । मह मूढगड्डरस्स व सम्पन्ना अविरई चेव ॥८४॥ नवकम्माणायाणं विरईए होइ भव्वजीवाणं । सुक्कज्झाणतवेणं पुव्वज्जियकम्मनिज्जरणं ॥८५॥ तत्तो केवलनाणं लहिउं निस्सेसकम्ममलमुक्का । एगसमएण जीवा वच्चंतऽयरामरं ठाणं ॥८६॥ पञ्चिन्दियदमदन्तो कोहाइकसायपसमओ सन्तो । तोऽहं करेमि सम्पइ तिविहं तिविहेण विरइमिमं" ॥८७॥ इच्चाइभावणाए भरहिन्दो कढिणकुलिसधाराए। चारित्तमोहणीयं भिन्दइ कम्मं गिरिं सहसा ॥८८।। तो उग्गमन्तदिणयरपसरसहोयरेण भावेण । कमलायरो व्व वियसइ चारित्तग्गहणपरिणामो ॥८९॥ परिहरियसव्वसंगो भरहमुणी चरणगिरिवरारूढो । पिच्छइ अरत्तदुट्ठो समयं सयलेसु विसएसु ॥१०॥ समभावभावियप्पा पइक्खणवियसन्तवीरिउल्लासो । पविसइ अपुव्वकरणं आरोहेइ खवगवरसेढिं ।।९१॥ तो सुहमसंपराओ होउ अहक्खायचरणसम्पन्नो । सुक्कज्झाणदवेणं विदड्ढघणघायकम्मवणो ॥९२॥ अच्चुब्भुयसोहग्गो केवलवरनाणदंसणसिरीए । आलिगिओ सहरिसं भरहमुणी वीयरागो वि ।।९३।। कमलि व्व निरुवलेवे केवललच्छीनिवासभवणम्मि । भरहमुणिन्दे सक्को अलि व्व चलियासणो एइ ॥९४॥ जम्पइ सम्पइ तुम्हं जस्सट्ठा कीरए तवच्चरणं । तं पि हु केवलनाणं भावमुणिन्दस्स सम्पन्नं ॥१५॥
15
20
25
Jain Education International 2010_02
For Private & Personal Use Only
www.jainelibrary.org
