________________
१८२
जयन्तीप्रकरणवृत्तिः । गाथा २॥३ निच्चपरिसीलणीयं असुइत्तेण हीलणीयमइमलीणं । अवरावरावयाणं ठाणं जलहि व्व देहमिणं ॥७१॥ चम्मरसरुहिरमंसट्ठिसुक्कमज्जावसंतमेयसयं । उरालियं सरीरं मणुयाणमिज्झभंडारं ॥७२॥ रे जीव तुमं तं पि य मज्जसिंगारअंगरागेहिं । कप्पूरागरुपुष्फोवयारमणिभूसणगणेहिं ॥७३।। उवयरसि मूढ निच्चं महयारंभेण गिद्धिबुद्धिल्लो । छज्जीवघायणरओ परलोयपरम्मुहो मुद्धो ॥४॥ संसारम्मि मसाणे एयम्मि सरीरयम्मि गिद्धीए । सम्मद्दिट्ठी हीरइ दिज्जइ दुक्खाण दन्दोली ॥७५॥ तह लालियं पि तह पालियं पि एवं सरीरयं जेण । परलोए अणुगमणं न करइ सहऽक्खाणमित्तो व्व ॥७६॥ असुइभरियम्मि कुंभे बाहिं जह पुष्फमाइउवयारो । तह देहे परिभोगे कंचणमणिभूसमाईणं ॥७७।। कट्ठाणमणेगाणं पावदव्वुत्थाण जत्थ उप्पत्ती । हेयं सरीरमेयं विउसाणं दगरन्नं व ॥७८॥ हवइ य गब्भे जम्मे बालत्ते तरुणभाववडत्ते । रागविओगजराइयं दुक्खं देहग्गहे चेव ॥७९॥ सुगहीयनामधेया ते नेया अंतरंगबहिरंगं । चइऊणसव्वभंगं जे सिद्धा केवलप्पाणो ।।८०॥ धन्ना अट्ठाणुइमुणिणो चरणभरधुरं धरिस्समहं । अंगीकयगुरुकटुं पुन्नं पसमाइरयणरासीहिं ॥८१।। चारित्तजाणवत्तं तारइ भवसायरं सिग्धं ?, सच्चं ते विबुहिन्दा कम्मगिरिं चूरयन्ति । जे सहसा कढिणेण मोहेणं; चारित्तकुलिसेण लीलाए ॥२॥
20
25
Jain Education International 2010_02
For Private & Personal Use Only
www.jainelibrary.org
