________________
१७७
10
जयन्तीप्रकरणवृत्तिः । गाथा २।३
तो इंदो साणंदो जिणकरकमलम्मि इक्खुमप्पेइ । भणइ य भयवं एसो उसहो इक्खागवंसो त्ति ॥६॥ तालफलपायमयजुयलदारया भमइ वणनिकुंजेसु । एगागिणी सुनंदा मिहुणगनरअप्पिया संती ॥७॥ नाहिनिवेणं गहिया होही उसहस्स जेण पत्ति त्ति । तत्तो कमेण पत्ते जिणस्स नवजोव्वणारंभे ॥८॥ सक्को पाणिग्गहणं कारइ मंगलसएहिं परियारिओ । देवेहिं देवीहिं य, सुमंगलाए य सुनंदाए ॥९॥ जुयलयं सुमंगलाए भरहो बंभी य मिहुणयं जायं । बाहुमुणिपीढजीवा पुव्वज्जियकम्मो तयणु ॥१०॥ अप्पप्पकम्मवसओ सुबाहमहपीढजुयलयं हूयं । देविसुनंदाए पुण बाहुबली सुन्दरी चेव ॥११॥ अउणोपन्नजुयले पुत्ताण सुमंगला पुणो पसवे । पुत्तसयं दो दुहिया एवं रिसहस्स वच्चाणि ॥१२॥ उसभजिणजम्मदिवसा अइक्कते पुव्वलक्खछक्कम्मि ।
ओसप्पिणीदोसेणं कुलगरनीईण इक्कमणं ॥१३॥ मिहुणयनागरेहिं तत्तो निवेइयं कुलगरस्स नाभिस्स । तेणुत्तं कहह लहुं उसभस्स महामइस्सेवं ॥१४॥ नाहिवयणेण कहिए वुत्ता उसभेण मिहुणगा पुरिसा । रायं निग्गहहेउं मग्गह नाभिं कुलगरं त्ति ॥१५।। उसभ च्चिय भे राया ते भणिया नाभिणा पुणो उसभं । मिहुणनरा भणंति य अम्हं राया तुम्हें चेव ॥१६॥ तो जिणवरेण वुत्ता अहिसित्तो चेव होइ इह राया । तो अभिसेयनिमित्तं पउमसरं जंति ते सिग्धं ॥१७॥ इत्थंतरम्मि चलियासणो सुरिंदो समेइ उवउत्तो । काउं रज्जभिसेयं दण्डको ट्ठाइ तप्पुरओ ॥१८॥
20
25
Jain Education International 2010_02
For Private & Personal Use Only
www.jainelibrary.org
