________________
१७६
जयन्तीप्रकरणवृत्तिः । गाथा २।३ सव्वड्डीए सक्को, पालइनामेण तो विमाणेण । मरुदेवाए अब्भासे आगच्छइ हरिसपडिहत्थो ॥१३॥ भणइ य देवाणुप्पिये ! जिणजणणि ! तए न भाइयव्वं ति । तुह सुयजिणिंदजम्मणमहूसवत्थं सुरिन्दोऽहं ॥१४॥ इत्थागओ नमो तुह तइलोक्कपईवदाईए निच्चं । इच्चाइ तं थुणेऊणं, सक्को ओसोयणि देइ ॥९५।। जिणपडिबिम्बं ट्ठविउं पंचवियप्पं करेवि अप्पाणं । करसम्पुट्टवियजिणो इन्दो पविचमरछत्तधरो ।।९६।। सुरकोडीपरियरिओ सुमेरुसिहरम्मि पंडगवणम्मि । पंडुसिलासिंहासणमासीणो निच्चलो ट्ठाइ ॥९७।। चलियासणा सुरिन्दा चउसट्ठी इंति सुरसमिद्धीए । अच्चुयसुराहिनाहो पढमं मज्जणमहं कुणइ ॥९८।। तत्तो कमेण सव्वे सुराहिवा जम्ममज्जणोच्छाहा । काऊण सपरिवारा सिग्धं सट्ठाणमल्लीणा ॥९९।। सक्को वि पाणिसम्पुडगहियजिणो एइ सुरसमूहेण । मरुदेवाए सिग्धं देवीए सन्निहाणम्मि ॥१००।। ठवइ जिणं सिज्जाए पडिरूवविसज्जणेण तो दिव्वं । खोमं कुंडलजुयलं मणिमयलम्बुसगं कुणइ ॥१०१।। नन्दीसरम्मि अंजणगिरिसिद्धाययणअरिहपडिमाणं । सक्को सुरगणसहिओ कुणइ य अट्ठाहियामहिमं ॥२॥ अह वट्टइ सो भयवं कंतिकलावेण अंगुवंगेहिं । अंगुढग्गसुराहियअमियरसाहारजोगेण ॥३॥ ऊरूसु उसभलंछणं अहवा सुमिणाइं उसभपढमाई । दिट्ठाई तेण जिणो उसहो नामेण संलत्तो ॥४॥ पाणिट्टियइक्खुलओ सक्को अन्नम्मि वासरे एइ । नाहिनिवोच्छंगत्थो भयवं पि इक्खं पलोएइ ॥५॥
15
25
Jain Education International 2010_02
For Private & Personal Use Only
www.jainelibrary.org
