________________
१७४
जयन्तीप्रकरणवृत्तिः । गाथा २।३ अह अरिहाइयवच्छल्लयाइट्ठाणेसु वीसमाणेसु । सल्लईवणेसु विहरइ गयराओ सो वइरनाहो ॥६७।। अह आसाइय तिथ्थयरनामकम्मपुरिपुन्नपुन्नदलो । अप्पवसाहि संजमसमदमलच्छीहिं परियरिओ ॥६८|| पुहवीतले जलपूरियम्मि अवि तस्स पायचारेणं । अवसरइ कलुसभावो सच्छत्तं होइ अच्छरियं ॥६९॥ अवरावराण मयकुंजराण गुरुदप्पदलणमाहप्पो । मोहमहीरुहमूलुम्मूलणवावारललियंगो ॥७०॥ भव्वाण महुयराणं दाणं निव्वाणकारणं दिन्तो ।। सुंडाभिघायवारणसुहियं लोयं कुणंतो य ॥७१।। जिणसासणम्मि गुरुकाणणम्मि निव्विग्धं चिरविहारेण । एस दुहा समयन्नू चउदसपुव्वी वइरनाहो ॥७२॥ कयकिच्चो नाऊणं समयं संलेहणाविहाणेण । तेत्तीससागराओ सव्वढे सुरवरो जाओ ॥७३॥ ते बाहुसाहुपमुहा चत्तारि वि तस्स बंधवा मुणिणो । गच्छगुणे मूलगुणपसरियसुयक्खन्धकप्पदुमा ।।७४॥ सउणाण कयाणन्दा परोवयारेण लद्धमाहप्पा । अइसरससंवरेणं लहन्ति रिद्धिं सुपत्ताण ॥७५॥ तत्तो अमूढलक्खा समयन्नू उत्तमट्ठकप्पेण । निम्मलसंकप्पेणं पत्ता सव्वट्ठसिद्धीए ॥७६।। अह अत्थि जंबूद्दीवे, भारहवासम्मि दक्खिणद्धम्मि । मज्झिमखंडे बहुदेसमज्झउज्जायभूमीए ॥७७।। किल कालचक्कअवसप्पमाणभागेसु तईयअरयम्मि ।
पलिओवमऽट्ठभागे सेसम्मि उ कुलगरुप्पत्ती ॥७८॥ तथा चाऽऽवश्यके
"पढमित्थ विमलवाहणचक्खुवं जसमं चउत्थमभिचंदे । तत्तो य पसेणइए मरुदेवे चेव नाभी य ॥७९॥ [आव.नि. / गा.१५५ ]
15
20
__25
Jain Education International 2010_02
For Private & Personal Use Only
www.jainelibrary.org
