________________
जयन्ती प्रकरणवृत्तिः । गाथा २ । ३
दलयइ सुमुणी वीरियविग्धं कम्मं गिरिन्दवज्जेण । वेयावच्चेणऽज्जइ, भुयबलफलयं तहा सुकयं ॥५४॥ सज्झायनिज्झरेणं झरन्ति संवरभरेण पडिपुन्ना । पीढमहापीढमुणिणो गिरीसरा गहिरनिग्घोसा ॥५५॥ अह उज्जुयसीलाणं तेसिं गुरुकुलसमुद्दवासीणं । नाणसिरिपरिरंभणसुहाई वट्टंति साहूणं ॥ ५६ ॥ सो एस वयरनाहो गणहारी देसमंडलविहारी । भवियकमलोवयारी दिप्पइ सुर व्व तमहारी ॥५७॥ वेयावच्चे निच्चं बाहुसुबाहूण बन्धुसाहूण | दट्ठूण उववूहइ सगणसमक्खं सयं हिट्ठो ॥५८॥ धन्ना एए मुणिणो बाहुसुबाहू महासया जेण । मुणिजणवेयावच्चे सच्चे निच्चोज्जमो ताण ॥ ५९ ॥ देवसुहलम्पडाणं जडाण जीवाण होइ आलस्सं । मुणिजणवेयावच्चे सिवसुहपडिहूवमे सम्मं ॥६०॥ वेयावच्चसमज्जियपुन्नं पुन्नाणुबंधि अइगरुयं । अप्पडिवायं समए जं भणियं जिणवरिन्देहिं ॥ ६१॥
तथाहि
""
'ओहावियस्स चरणं, मयस्स नासइ सुयं असज्झाए । अप्पडिवायं वेयावच्चेण पुणऽज्जियं पुन्नं" ॥६२॥ [ ] तो एए मुणिवसहा गुणिणो वेग्गमग्गमोइन्ना । धन्ना संचियपुन्ना धम्मधुराधरण अविसन्ना ॥ ६३ ॥ बाहुसुबाहुपसंसं सुच्चा ईसानलेण संतत्ता । पीढमहापीढमुणिणो मणकालुस्सं धरन्तेवं ॥६४॥
कज्जकराण पसंसं कुणंति नो अम्हाण ज्झाणनिरयाण । एए अज्जवि गुरुणो रज्जसिरिं चेव पालन्ति ॥६५॥ इय चिन्ताभमरीए लीलाए ताण हिययकमलम्मि । तं किंपि कयं कम्मं, संपज्जइ जेण अबलत्तं ॥ ६६ ॥
Jain Education International 2010_02
For Private & Personal Use Only
१७३
5
10
15
20
25
www.jainelibrary.org
