________________
5
10
15
20
25
१७२
Jain Education International 2010_02
जयन्तीप्रकरणवृत्तिः । गाथा २१३
चईऊणं रज्जसिरिं पडग्गलग्गं तिणं व निस्संगो । सव्वड्डीए बन्धवसहिओ संजमसिरिं पत्तो ॥ ४१ ॥ जस्स खमा सा जीए विणयारामम्मि सउणललियम्मि । सुयक्खंधकप्पतरुणो अचिरेण सप्फला हुंति ॥४२॥ जम्हा अज्जवजुत्तो अपमत्तो तेण संजमसिरीए । परिरंभलालसाए न खणं पि चइज्जे जोओ ||४३|| सो वइरनाहसाहू मुणितिलओ सुगुरुमूलगुणवुड्डो । वियसिरसुमणो सुरही भमरहिओ प्फुरियघणपत्तो ॥ ४४|| गीयत्थो सो धारइ अन्तो बाहिं पि अंगुवंगाई । पुन्नाइं पयलक्खणसरवंजणवन्नललियाई ॥४५॥ चउदसव्वी गणहरपयम्मि सो ठाविओ वइरनाहो । गुरुगच्छगयणदिणमणिमंडलमाहप्पदिप्पन्तो ॥४६॥ अवरावरदेसेसुं विहरइ भव्वाण कमलसंडाण । वियरन्तो पडिबोहं, परिमलदूरावणयणेणं ॥४७॥ बाहुसुबाहुमुणिणो सहोयरा तस्स पीढमहापीढा । एक्कारसंगसागरपारगया हुन्ति गीयत्था ||४८ || सब्वे वि जियकसाया जहुत्तऽणुट्ठाणनिहणियपमाया । विणिहयमोहपिसाया तवचरणविसेसकिसकाया ॥४९॥ अणिगूहियबलवीरिया सम्मं असवत्तजोगमुणिकिरिया । गंगापवित्तचरिया गुणलच्छीए सयं वरिया ॥५०॥ तत्थ वि बाहुमुणिन्दो पंच सयाणं मुणीण निच्वं पि । भत्तं पाणं सुद्धं वियरइ सद्धासुहाजलही ॥५१॥ बाहू साहू पुन्नं अज्जइ बहु चक्कवट्टिभोगफलं । केवलनिज्जरपेही सुपत्तदाणेण सुद्धेण ॥५२॥ पंचन्हं मुणिपुंगवसयाणं विस्सामणं सुबाहू वि । कु निरीहो वयभरधुरन्धराणं अणुदिणं पि ॥५३॥
For Private & Personal Use Only
www.jainelibrary.org
