________________
5
10
15
20
25
१६६
तद्यथा
पडिमापडिवन्नाणं साहूण सुसाणकाणणाईसु । अच्चाहियं न जायइ रक्खसभूएहिं रयणी ||२४|| आयावणभूमिए सीयायवमेहवुट्ठिकट्ठाई । न गणिज्जंति तिकालं मुणीहिं वोसट्टकाहिं ॥ २५॥ काउस्सग्गेणेवं आरूढा केऽवि खवगसेणीए । निस्सेणीए केवलसिरीसणाहा सिवं जंति ॥ २६ ॥ काउस्सग्गमभिग्गहपुव्वं तो म्हं पि काउमिच्छामि । समयच्छिऊण सम्मं एवं सो पडिसुणइ राया ॥२७॥ ताव मए ठायव्वं, उद्धद्वाणेण धम्मझाणेण । जाव एस जलइ दीवो उज्जोयंतो दसदिसाओ ॥ २८ ॥ कप्पलइ व्व आणा करुणारामाण जिणवरिन्दाण । सेविज्जन्ती वियर सासयसुक्खं फलं मुक्खं ॥२९॥ सच्चं तवोविहाणं अइसयरयणाण हु निहाणं । जई जिणवराण आणं कुणंति जीवा सइ पमाणं ||३०|| अवरावरट्ठाणेसुं किज्जन्तेसु सया पयाणेसुं । सिवनयरे न हु गम्मइ जिणाण आणारहं मुत्तुं ॥३१॥ एवं तित्थयराण जावाऽऽणं एस ज्झायइ नरिंदो । निव्वाउं दीवो वि हु ता इच्छइ पाडिसिद्धीए ॥३२॥ इत्थन्तरम्मि सिज्जापाली चिंतेइ अंधयारम्मि । कह मह सामी राया चिट्ठिस्सइ ? धम्मज्झाणेण ||३३|| तो सा दीवयपत्ते तिल्लं निक्खिवइ झडित्ति पज्जत्तं । नियभत्तिं व्व देलिल्लं करेइ निविडं दसं पयडं ॥ ३४॥ राया सुहोचियंगो सिरीसकुसुमं व्व जयवि सुकुमारो | उच्छलियपुरिसायारो करेइ ज्झाणं विसेसेण ||३५||
" एसो अणोरपारो संसारो सायरु व्व दुत्तारो । जं तम्मि आवयाणं सम्पाओ होइ किं चुज्जं ? ॥३६॥
१. स्पर्धया । २. विकस्वरां ।
Jain Education International 2010_02
जयन्ती प्रकरणवृत्तिः । गाथा २/३
For Private & Personal Use Only
www.jainelibrary.org
