________________
१६७
5
____10
जयन्तीप्रकरणवृत्तिः । गाथा २३
अहवा सिज्जावाली दीविय रुइदलं सिणेहेण । नूणं मह तणुमोहं तमं व हरइ निस्सेसं ॥३७॥ गब्भाइदुक्खदन्दोलिकारणं एस चेव जं काओ । तं विउसाणं जुत्तो तम्मुच्छाए परिच्चाओ ॥३८॥ काउस्सग्गाभिग्गहगहम्मि मह मणनहम्मि उइयम्मि । सूरि व्व उग्गतेए दोसावगमो फुडं होही ॥३९॥ जह जह सिज्जावाली तम्मि नरिंदम्मि मेरुनिक्कंपे । तिल्लं दसं च दीवे पुणरुत्तं खिवइ तहा चेव ॥४०॥ राया वि धम्मज्झाणं दीवं उज्जोयए पयत्तेण ।
नेहं विणा वि चुज्जं अलोहपत्तम्मि चित्तम्मि" ॥४१॥ तथाहि
"मा जीव ! होसु कीवो पावियजिणवयणखीरसरिनाहो । मुत्तीयसुहं समीहसु संवरलहरीहि उच्छलियं ॥४२॥ लद्धे वि हु जिणधम्मे पुटुगुणे तम्मि अंतररिऊहिं । निहयाणं जीवाणं होइ महा दुक्खसंदोहो ॥४३॥ पीडिज्जंते काए दुहिक्कट्ठाणे तुहित्थ किं दुक्खं ? ।
नाणाइगुणसमग्गो होसि तुमं जं तओ अन्नो" ॥४४॥ उक्तं च-"
"अन्नं इमं सरीरं अन्नो जीवो त्ति एव कयबुद्धी ।
दुक्खपरिक्वेसकरं छिन्द ममत्तं सरीराओ" ॥४५॥ [ ] नेहेणिमिणा सच्चं दसाण अवरावराण संजोए । संतत्तो दुहिओ जीवो न लहइ दीवु व्व निव्वाणं ॥४६।। अणुगयगणसामीणं जिणाण पणमामि पायकमलाई। रागाइविरहियाणं विहरंताणं मणुयलोए ॥४७॥ उद्धट्ठियपसरियपयवियन्नकडिहत्थपुरिससंट्ठाओ। लोओ जिणिंदभणिओ तयग्गसिद्धा ताण नमो ॥४८॥ जाण न पुग्गलभुत्ती केवलवरनाणदंसणधराण । भवजलहिपारगाणं निच्चं मुत्तालए ढाणं ॥४९।।
25
Jain Education International 2010_02
For Private & Personal Use Only
www.jainelibrary.org
