________________
जयन्तीप्रकरणवृत्तिः । गाथा २३
तत्थासि उग्गतेओ राया चंडवडिंसओ सच्चं । सोहग्गनिही निच्चो गोरी कित्ती पिया जस्स ॥११॥ जिणसासणम्मि नंदणवणम्मि सुमणोवियाससामोओ । निच्चवियारसारो जो सहलं कुणइ अप्पाणं ॥ १२ ॥ विलसइ सम्मदंसणमणिदीवप्पहयमोहतिमिरोहे |
भवणे जस्स सया वि वेयलच्छी जहिच्छाए ॥१३॥ सव्वदिसिमंडलेसुं जस्साणादाणमित्तमाहप्पा | पहवंति कहवि लोए न रुद्दखुद्दाइणो दोसा ॥ १४ ॥ आरोवियकोडिगुणं जिणधम्मं जो उ सरलयासहियं । परिसीलइ देवगुरुप्पडिणीए हणइ सिरिनाहो ॥ १५ ॥ साहम्मियवच्छल्ले महल्लसल्लईवणम्मि वियरंतो । अणवरयदाणपसरो सच्चं मयवारणो जाओ ||१६|| जिणसासणचन्दुज्जुयवणावबोहम्मि रोहिणीरमणो । ईसरसिरोवतंसो सज्जणजणमाणसे हंसो ॥१७॥ विहिणा जिदिपूयं तिक्कालं जो करेइ भत्तीए । दुरियंतरायदवघणजलधाराधोरणीकरणि ॥१८॥ सुगुरुचरणारविंदे अमंदआणंदनिब्भरो निच्चं । इंदिदिरसुन्दिरो आसायइ तत्तमयरंदं ॥ १९ ॥ सम्मं पुरिसत्ताणं तिन्हं धम्मत्थकाममुक्खाणं । आराहणिक्करसिओ राया सविसेसमुक्खत्थी ||२०| पालइ रज्जं सुइरं दित्तारिकरिंदकुंभनिद्दलणो । विक्कमओ सिंहो इव नयनलिणवियासणे सूरो ॥ २१ ॥ सग्गविमाणमणोहरवासहरे अन्नयाइ सो राया । काउस्सग्गं सुतवं चिंता साहूण रयणीए ॥ २२॥ काउस्सगे मुणिणो उवसग्गपरिसहेहिं अक्खोहा । निज्जिणियमोहजोहा जयंत कंदज्जलगणोहा ||२३||
Jain Education International 2010_02
For Private & Personal Use Only
१६५
5
10
15
20
25
www.jainelibrary.org
