________________
१६४
जयन्तीप्रकरणवृत्तिः । गाथा २।३ पियराण वि विणएणं उत्तरउत्तरपयम्मि सुपइट्ठो । एस पसिद्धो कमसोऽणुत्तरपयसंपयं पत्तो ॥१००॥ विणएणं पावएणं जडत्तनिविडो वि मयणपिंडो व्व । झत्ति विलिज्जइ माणगंट्ठीए सो तवो तेण ॥१०१॥
कुलपुत्रकाऽऽख्यानकं समाप्तम् ॥
15
$अनियाणेणं वेयावच्चेणं चंदणंगरागेण । .. धन्नाण पावगंधो संबंधं चयइ दूरेण ॥१॥ अन्नं च
पडिभग्गस्स मयस्स व नासइ चरणं सुयं अगुणणाए । न हु वेयावच्चकयं सुहोदयं नासए कम्मं ॥२॥ पंचसयमुणिंदाणं सुविसुद्धाहारदाणओ जाओ । वेयावच्चसुहेणं बाहुसाहू भरहनाहो ॥३॥ अइविमलसंवरेणं पावं तावं खविन्ति मुणिवसहा । सज्झायनिज्जरेणं अहोनिसं वित्थरंतेण ॥४॥ तमपसरो अवणिज्जइ साहुतवस्सीण धम्मसुक्केहिं । झाणेण अणवरयं चंदायच्चोवमाणेहिं ॥५॥ तवतवेण दुवालसतणुणा तेयस्सिणा फुरंतेण । चोज्जं [ चिय] जोइल्लासो होइ न दोसाण अवयासो ॥६॥ वासीचंदणकप्पो काउस्सग्गेण संट्ठिओ साहू । मेरु व्व निप्पकंपो छिप्पइ नरएण न हु चुज्जं ॥७॥ काउसग्गतवेणं धन्ना गिहिणो वि निच्चलक्खेण । धम्मज्झाणरहेणं अनलेण वि जंति सुरलोयं ॥८॥ काउस्सग्गेण तवेण अगणियसुकुमारदेहदुहभागे ।
अक्खित्तसग्गलच्छी जह चंडवडिंसओ राया ॥९॥ तथाहि8 अत्थि इह जंबुद्दीवे साकेयनामं पुरवरं भरहे।
पसरंतसुपव्वेहिं जं पावइ सग्गसोहग्गं ॥१०॥
20
25
Jain Education International 2010_02
For Private & Personal Use Only
www.jainelibrary.org
