________________
जयन्तीप्रकरणवृत्तिः । गाथा २/३
चिच्चा पुत्तकलत्तमित्तविसयं मोहं महापावयं, पवज्जं पडिवज्जिऊण सुहयं साहेइ सिद्धिं तओ ॥८९॥ जेसा असईकडक्खतरला लच्छी मणोमोहनवल्लीगुंफसोयरी पणयणी मुक्खपहे रोहिणी । बंध बंधुजो गुणेहि बहुहा संसारकाराहरे, भोगा रोगसगोत्तया असुईणो तारुन्नए भंगुरे ॥ ९०॥ सामरिंग सुकुलाइयाण दुल्लहं लहिऊण नच्चा भवं, दुक्खाणं खणिमेव मोक्खयसुहं अच्छंतिएगंतियं । हेउं तस्स जिणिदसासणमिणं सो वि य सव्वायरा, निस्संगाण मुणीण पायकमलं संपप्प पत्तोज्जमा ॥ ९१ ॥ चारित्तं पडिवज्जिऊण विणयं कुव्वंति जे सव्वहा ते जीवा सुगुरुप्पसायवसओ सिद्धंतपारंगया । सुक्कज्झाणहुयासणेण सहसा निद्दड्डुकम्मिणा पत्ता केवलनाणदंसणधरा सिद्धि पुरिं सासयं" ॥९२॥ इय धम्मदेसणाए भवियणकुमुयाण चंदजुण्हाए । अवहरियमोहतिमिरा सिवपुरमग्गे पवज्जति ॥ ९३ ॥ तत्तो विणीयपुत्तो चितइ एसो जयत्तए देवो । देवाहिवो न अन्ने मज्झं विणयारिहो एस ॥ ९४॥ इय चितिऊण हरिसप्पसरियरोमंचकंचुइगत्तो । विन्नवइ जिणं वीरं विणीयकुलपुत्तओ एवं ॥ ९५ ॥ देवाहिदेव ! तुह पायसेवरसिओ भवामि अणवरयं । विणणं तिविहेणं सुकयमहं अज्जइस्सामि ॥९६॥ तो भयवया विभणिओ देवाणप्पिय अहासुहं तुज्झ । न विलंब कायव्वो पियराईणं सिणेहेण ॥ ९७|| तत्तो विणीयपुत्तो भो सो विणीयपरिणओ झत्ति । वीरजिणदिन्नदिक्खो सिक्खं गिण्हइ सुगइगामी ॥९८॥ तो सो कमेण जाओ गयराओ साहुकुंजरायरिओ । केवलबलपरिकलिओ उम्मूलइ भववणं सहसा ॥९९॥
For Private & Personal Use Only
Jain Education International 2010_02
१६३
5
10
15
20
25
www.jainelibrary.org
