________________
१६०
10
जयन्तीप्रकरणवृत्तिः । गाथा २।३ सोहम्मसहासोहे अत्थानविप्फुरन्तकिरणोहे । मंडलियदंडनायगमहंतसामंतसंपुन्ने ॥५५॥ रयणमयमउडकुंडलहारावलिविप्फुरंतसिंगारं । दहूं सेणियरायं मणिमयसिंहासणासीणं ॥५६॥ मन्नइ विणीयपुत्तो एसो सामंतमंडलीवईण । पुज्जो थिरप्पइट्ठो महप्पभावो महादेवो ॥५७॥ पन्नोवज्जणहेउं तोऽहं वन्तविणयपरिणामो। पुव्विल्लाणं गरुयं देवं सेवे इमं चेव ॥५८।। इच्चाइ चिन्तिऊणं एसो सेवेइ सेणियं रायं । विणयपुण्णउत्तमंगो मंडलवइणा अणुन्नाओ ॥५९॥ चुज्जं पइप्पभायं अब्भहियरायपायसेवाए । कुवलयसहोयराइं नयणाइं तस्स वियसंति ॥६०॥ सव्वाणुगए गयणि व्व तम्मि निद्दोसयम्मि आसाओ । वसुपूरेणं पूरइ जं राओ तं तु अच्छरियं ॥६१॥ तम्मि विणीए कमलायरम्मि पुन्नोदयम्मि अच्छरियं । साणंदमिलतेहि अहोनिर्सि सउणचक्केहि ॥६२॥ मयवारणो य गरुओ एसो खलु विणयपरिणओ भद्दो । दालिद्दतडं भंजइ नियगोत्ते दाणरसपसरो ॥६३|| उज्जाणपालएणं अन्नदिणे पणमिऊण विन्नत्तो । अत्थाणत्थो सच्छो सहस च्चिय सेणिओ राया ॥६४॥ चउविहदेवनिकाया सविमाणा विहियदुंदुहिनिनाया । रययंति समोसरणं अवयरणं सव्वलच्छीणं ॥६६।। ता देव जिणिंदागमकल्लाणमहूसवेण अज्ज इहं । वद्धाविज्जह तुम्हे मंगलमालोवलंभेण ॥६७।। इय विन्नत्तो अब्भुट्ठिऊण गंतूण तद्दिसाहुत्तं । उल्लसियबहलपुलओ तो राया भणइ सक्कत्थयं ॥६८॥
25
Jain Education International 2010_02
For Private & Personal Use Only
www.jainelibrary.org
