________________
जयन्तीप्रकरणवृत्तिः । गाथा २१३
मंडलवइस्स नयरं सामंते अह कमेण संपत्ते । पुरपरिवारसमिद्धि दटुं चिंतइ विणीओ वि ॥४२॥ मंडलवइणो आणं सीसे सेसं व धरइ सामंतो । रिद्धिस्थिमिओ नूनं एसो अहिओ महादेवो ॥४३॥ तो पुच्छइ सामंतं किमहं सेवेमि मंडलियदेवं ? । तुब्भेहिं अणुन्नाओ बहुपुन्नोवज्जणासत्तो ॥४४॥ ता सामंतो मन्नइ एसो खलु मंडलेसपयसेवी । निम्मलसीलो सव्वं साहिस्सइ अम्ह कज्जाइं ॥४५॥ ता इह चिट्ठउ एसो अक्खोहो लोहवज्जियविणीओ । इय भाविऊण भणिओ सेवसु तं मंडलमहेसं ॥४६।। मंडलवइ वि दिदि पसायधवलं खिवेइ अह तम्मि । पेमपरव्वसलच्छीलसंतवरमालासोहिल्लं ॥४७॥ अह तम्मि मंडले जे अन्ने य मंडलियसेवगा रिद्धा । तस्स वियरंति दाणं अणुणयकुसला जओ भणियं ॥४८॥ "सुवर्णपुष्पितां पृथ्वीं विचिन्वन्ति त्रयो जनाः ।
सूरश्च कृतविद्यश्च यश्च जानाति सेवितुम्" ॥४९॥ [ ] अन्यदपि उक्तम्
"विनयेन भवति गुणवान् गुणवति लोकोऽनुरज्यते सकलः । अभिगम्यतेऽनुरक्तः ससहायो पूज्यते लक्ष्या" ॥५०॥[ ] तम्मि य समये राया रायगिहे सेणिओ सुरिन्दु व्व । रज्जं पालइ पइदिणं सुपव्वसंदोहसोहिल्लो ॥५१॥ तस्साएसा मंडलवई वि कुलपुत्तएण तेण समं । रायगिहे सिग्धं चिय गच्छइ परिवारपरियरिओ ॥५२।। रायगिहे पायारं कणयमयं फुरियकन्तिसंभारं । दणं परिभावइ विणीयकुलपुत्तओ एवं ॥५३॥ नूणं कल्लाणमओ सेणियराया महडिओ देवो । जस्स पुरे विसालो सालो कणगेण निम्माओ ॥५४॥
15
20
25
Jain Education International 2010_02
For Private & Personal Use Only
www.jainelibrary.org
