________________
5
10
15
20
25
१५८
उक्तं च
Jain Education International 2010_02
जयन्ती प्रकरणवृत्तिः । गाथा २ । ३
"दृष्टव्यं राजकुलं दृष्टव्या राजपूजिता लोकाः । यद्यपि न भवन्त्यर्था भवन्त्यनर्थप्रतीकारा: " ॥२९॥ [ ]
एएण सुवंसेण आरूढगुणेण नमणसीलेण । साहिज्जइ परलोओ मह पुत्तेणं सुचाएण ॥ ३० ॥ एसो हु दाणवरओ सामी ओलग्गिओ सुहं देइ | इयं चिंतिऊण पिउणा भणिओ सेवसु इमं वच्छ ! ॥३१॥ आइट्ठो जणएणं विणीयकुलपुत्तओ तओ निच्चं । सेवंतो विणएणं पसन्नदिट्ठि कुणइ सामि ||३२|| तयणु निरंतरमहिए सामिपसायम्मि खीरजलहिम्मि । एइ सयंवरलच्छी कण्हस्स व्व तस्स गेहम्मि ||३३|| अह सोविय गामसामी य महंतसामंतदूयवयणेण । कुलपुत्तएण सद्धिं गच्छइ तुरियं पुरे तस्स ||३४|| तो पुरपरिसरवरआरामुज्जाणकूववावीहि । दिट्ठेहिं विम्हइओ चिंतइ कुलपुत्तओ एवं ||३५| जस्स किल परिसरो वि य सोहं सग्गंगणस्स लंघेइ । तं पुरवरं पुरंदरपुराओ अहियं अहं मन्ने ||३६|| पिच्छंतो पुरलच्छि अणमिसनयणो विणीयकुलपुत्तो । रायकुलं संपत्तो दद्धुं सामंतमइगरुयं ॥३७॥ चिन्तइ विम्हियचित्तो एसो देवो महड्डिओ जेण । सेविज्जंते तेणं इमम्मि पुन्नं बहुं होइ ||३८|| सामच्छिऊण एवं पुच्छिय गामसामिपियराइं । ओलग्गइ सामंतं तहा जहा कुणइ सुपसन्नं ॥३९॥ लच्छी सामंतेणं सम्मं आराहिएण तातस्स । दिन्ना जीए कीरइ गरुओ सपरेसि उवयारो ||४०|| दूमुहेणाहूओ सामंतो अह कयावि नयरम्मि | मंडलवइणो गच्छइ तेण समं सो विणीओ वि || ४१||
For Private & Personal Use Only
www.jainelibrary.org
