________________
१५४
जयन्तीप्रकरणवृत्तिः । गाथा २॥३ जुद्धं तं संजायं जेण सो सयलपेच्छगो लोओ। चित्तलिहिओ व थंभियमुच्छियभूओ व संजाओ ॥६८॥ तत्तो एक्को अजिओ अवरो अपराजिओ त्ति दुण्हं पि । रायाएसेण सए सए गिहे ताण गमणम्मि ॥६९॥ अट्टणमल्लेण तओ नियपुत्तो पुच्छिओ जहावत्थो । किं तुह देहे बाहइ ? सच्चं सम्मं मह कहेह ॥७०॥ तो रिउमइणा तेणं कहिए अंगम्मि सल्लयं तम्मि । अब्भंगिऊण तत्तो सम्मं संवाहिओ तेण ॥७१॥ तह कहवि जहा जाओ पुणन्नवो एस फलिहमल्लवरो । मच्छियमल्लो वि निवाइटेहिं अंगमद्देहि ॥७२॥ बहु पुच्छिओ वि न कहइ सल्लं तं किंपि अंगंमि । अइगरुयगव्वपव्वयसिहरारूढो महामूढो ॥७३॥ बीयम्मि दिणे तत्तो ताणं दुण्हं निजुद्धसंरंभो । रंगम्मि तहा पसरइ जह रंगमओ जणो होइ ॥७४॥ कमलाण व करपसरो जयविजयाणं वियासणो ताणं । सूराणं तोसमयं वित्थरिओ सोरभुग्गारो ॥७५।। तत्तो निवेण भणिए ताणं मल्लाण गडयसंवरणे । नियनियट्ठाणे गमणे दुहकहणे फलिहमल्लेण ॥७६॥ तो अट्टणेण वि कए अब्भंगणमद्दणाइउवयारे । होइ पुणन्नवदेहो सल्लस्स निवेयगो मल्लो ॥७७|| मच्छियमल्लो न कहइ निवपेसियअंगमद्दयाण पुरो । तो अंबाडियमंगं अच्चत्थं अणुवयारेण ॥७८॥ तइयम्मि दिणे मच्छियमल्लो रंगस्स मज्झयारम्मि । वयसाहट्ठाणेणं निच्चिट्ठो चिट्ठए धणियं ॥७९॥ पेच्छगलोओ चिंतइ चिट्ठइ किं ? एस संट्ठिओ एवं । जो अतुलियबलकलिओ अव्वावारो कहं ? सो वि ।।८०॥
20
25
Jain Education International 2010_02
For Private & Personal Use Only
www.jainelibrary.org
