________________
१५३
10
10
जयन्तीप्रकरणवृत्तिः । गाथा २।३
सविहे तत्थाऽऽवासइ तरुणो हिला निरिक्खिउं तस्स । आहाराइचिटुं हिट्ठो तो अट्टणो मल्लो ॥५५॥ अह तस्स एइ भत्तं पत्थो करस्स कंजियघडो य । छच्चं च भज्जियाए भुत्ते पिच्छेइ नीहारं ॥५६॥ संवट्टियं पलोइय संभासि एस करिसगं एयं । एरिसयं तुज्झबलं तो किं वाहेसि ? पुत्त ! हलं ॥५७।। जइ होसि मज्झ पुत्तो अपडिमल्लो तुमं महामल्लो । लच्छीसहिओ भोगोवभोगसुहिओ सया होसि ॥५८।। जं भणसि तमहं करेमि किं पुण कुडम्बयं मज्झ । कहमिह सुहियं होही ? इय जंपइ करिसगो तयणु ॥५९॥ तो अट्टणेण भणियं जणणीपमुहं कुडम्बयं तुज्झ । दाऊण बहु कणयं अहं करिस्सं अदालिदं ॥६०॥ पडिपन्नपुत्तभावो तो एसो अट्टणेण उज्जेणिं । निओ वमणविरेयणअब्भंगणमद्दणाईहिं ॥६१॥ उवयरिओ विविहेहिं सिणिद्धआहारओसहगुणेहिं । उवचियअंगोवंगो सुसिक्खिओ मल्लजुद्धम्मि ॥६२॥ विक्खाओ नयरीए मज्झे मल्लाण फलिहमल्लो त्ति । सीहरहेण वि रन्ना मच्छियमल्लो दिढो ठुविओ ॥६३।। तत्तो कत्तियमासे नयरे सोपारयम्मि मल्लच्छणे । अट्टणमल्लो सद्धि गच्छइ सो फलिहमल्लेण ॥६४॥ तयणु नरिंदे नरवाहणम्मि सिंहासणम्मि आसीणे । पविसंति रंगमज्झे मच्छियमल्लो फलिहमल्लो ॥६५।। तत्तो जुझंताणं नियुद्धकुसलाण ताण दुण्हं पि । वट्टइ महापबंधो पढमे दिवसम्मि चिरकालं ॥६६॥ करताडणेण गयणं गज्जइ पयपायकंपिया पुहवी । धावणदेवणवग्गणकत्तरियाईहिं बंधेहि ॥६७॥
Jain Education International 2010_02
For Private & Personal Use Only
www.jainelibrary.org
