________________
१५२
10
जयन्तीप्रकरणवृत्तिः । गाथा २३ सामंताई वि जणो रंजियहिययो वि देइ न हु दाणं । सीहरहम्मि नरिंदे अवि साणंदे अदिन्तम्मि ॥४२॥ तो अट्टणो विचिन्तइ विसट्टकन्दुट्टलोयणो वेस । सीहनरिंदो दाणं न देइ अव्वो किमेयंति ? ॥४३॥ हुं नायं चिय जमहं पत्तो तारुन्नयं सलावन्नं । तं एस महाराओ पच्चभिजाणइ न मं सम्मं ॥४४॥ ता जाणावेमि निवं अप्पाणं गीइयं पढेऊण । इय निच्छिऊण स पढइ महुरगहीराइ वाणीए ॥४५॥ साहह वणसउणाणं साहह सउणा वि भो इह वणाणं । विजिओ निरंगणो सो अट्टणेण निक्खित्तसत्थेण ॥४६॥ सोऊणेवं राया विम्हयपप्फुल्लनयणनलिणजुओ। मुंचइ सुवन्नवोट्टि तुढेि मोत्तिं व पयडितो ॥४७॥ अन्ने वि तओ सामंतमंतिसेणाहिवा वि पुरलोया । मणिमुत्ताहलदेवगावासवरिसेण वरिसंति ॥४८॥ उज्जेणीयनयरीए लद्धट्ठो अट्टणो तओ जाइ । चिंतइ य गए पुणरवि तारुन्ने को ? मह सहाओ ॥४९।। लभ्रूणेमं पुरिसं तरुणं बलसालिणं कुलुप्पन्नं । पुत्तताए पडिवज्जिऊण मल्लं करिस्सामि ॥५०॥ सोरट्ठम्मि य देसे खेत्तणुभावा सुणिज्जए एवं । । पुरिसा गरिटुगत्ता हुन्ति बलिट्ठा सुदिढसत्ता ॥५१॥ एवं सो चिंतंतो भागे एगम्मि तो सुरद्धाए । भरुयच्छसन्निहाणे अकालखेवेण संपत्तो ॥५२॥ तो तेण अट्टणेणं नामेण दूरिलकूवियागामो । दिवो हलिओ खेत्ते वाहतो लगलं एक्को ॥५३॥ वामकरगहियपवयणहलरासी दक्खिणेण फलिहीओ। उक्खिणइ वेगभंगं अकुणंतो मत्थए घित्तुं ॥५४॥
15
20
25
Jain Education International 2010_02
For Private & Personal Use Only
www.jainelibrary.org
