________________
१५१
10
जयन्तीप्रकरणवृत्तिः । गाथा २।३
सिरिवयरसामिपेसियवइरविणेयाओ हुंति दुब्भिक्खे । नायलचंदुद्देहियनिव्वुइगच्छा इमे जत्थ ॥२९॥ तम्मि पुरे सीहरहो राया होत्थाऽरिकुंभिनिद्दलणो । कित्तीहिं जो विभूसइ आसा मुत्तावलीहिं व ॥३०॥ सो मल्लजुद्धदंसणसुहलालसमाणसो सरयकाले । जुज्झन्ताणं ताणं जयवंताणं कुणइ दाणं ॥३१॥ उज्जयणीनयरीए वत्थव्वो अट्टणो महामल्लो । सो पइवरिसं मल्लच्छणम्मि सोपारयं एइ ॥३२॥ जिणिऊण अवरमल्ले रायपसायं महत्थयं पप्प । सो गंतूणं उज्जयणिं विलसइ बहुलोयपरियरिओ ॥३३॥ कालेण जराजज्जरमबलसरीरं तयं जणो मुत्तुं । गच्छइ इच्छियट्ठाणं तो चिंतइ अट्टणो मल्लो ॥३४॥ सव्वोऽवि ताव सेवइ विणएणं जाव सिज्झइ सकज्जं । परमत्थओ न नेहो कस्स वि कस्सोवरिं अत्थि ॥३५॥ ता अप्पणो सरीरं सबलं सपरक्कम इमं जाव । ताव विढप्पइ अत्थो अत्था अत्थिजणो होइ ॥३६॥ ता जाव अत्थि दविणं मह किंचिवि तेण किज्जउ कहिं पि । दिव्वरसायणजोगो जेण पुणो होइ तारुन्नं ॥३७|| सामच्छिऊण एवं वच्छदेसम्मि अट्टणो मल्लो । वयइ कोसंबीए सम्मं च रसायणं काउं ।।३८|| भूमिहरए पविट्ठो चिट्ठइ सो जाव हुंति छम्मासा । आरूढो तारुन्नं तो तेण रसायणेणेसो ॥३९॥ सपरक्कमं सतेयं सबलं नाऊण अप्पणो कायं । सोपारयम्मि गच्छइ स मल्लजुद्धच्छवुच्छाहो ॥४०॥ तो तेण कए जुद्धे दिढखंधेण महापबंधेणं । विजिए वि हु पडिमल्ले राया वियरेइ न पसायं ॥४१॥
15
25
Jain Education International 2010_02
For Private & Personal Use Only
www.jainelibrary.org
