________________
१५५
LO
जयन्तीप्रकरणवृत्तिः । गाथा २।३
नायं च अट्टणेण कायं अंबाडियं वहइ एसो । तो नियमल्लो भणिओ वच्छ ? तुम जाण फलिहि त्ति ॥८१॥ तस्स सुओ तो सहसा सुकढिणहत्थग्गहेण सुदिढेण । मच्छियमल्लस्स सिरं तोडइ सो सालिसीसं व ॥८२।। तो जाओ जयवाओ राओ तुट्ठो य फलिहमल्लस्स । वियरइ दाणं भूसणमणिमोत्तियकणगमाईणं ॥८३।। अन्ने वि तत्थ राणयमंडलियासेसनायगजणोघा । सयसहस्सलक्खमाणं वियरंति महारिहं दाणं ॥८४|| धवलजसभोगभागी जाओ भुयंगिन्दसेससारिच्छो । सत्थो जो नियअंगे सल्लं तं कहइ पियपुरओ ॥८५।। मिच्छावलेवलित्तो न कहइ सन्नो वि जो पुण ससल्लं । स लहइ मच्छियमल्लो इव संहारं सधिक्कारं ॥८६॥ नाऊणेवं सुहगुरुपुरओ सुद्धिं समीहमाणेण ।
दुक्कयं निवेइयव्वं लज्जामयनियडिरहिएण ॥८७॥ उक्तं च
"जह बालो जंपंतो कज्जमकज्जं व उज्जुयं भणइ । तं तह आलोइज्जा मायामयविप्पमुक्को उ" ॥८८॥ [पञ्चा.१५ गा.४७] दसविह परिच्छत्तेणं तवतवणेणं फुरंततेएणं । अइनिविडजडिमभावोऽवि भिज्जए इत्थ किं ? चुज्जं ॥८९।। जं ट्ठाणमुत्तरुत्तरमेयम्मि तवम्मि लहइ किल हंसो । तं पाडल व्व सुमणो वियासललियो तहिं होइ ॥९०।।
फलिहमल्लकथानकं समाप्तम् ॥
20
$गुणरयणायरगुरुयणपूयं धन्ना कुणंति भावेण ।
विणएण देवतरुयरदुल्लहकुसुमोवयारेण ॥१॥ सिवपुरपहम्मि अक्खलियगमणमणा चूरयंति विबुहिन्दा । विणएणं कुलिसेणं अट्ठमए पव्वए गरुए ॥२॥
25
Jain Education International 2010_02
For Private & Personal Use Only
www.jainelibrary.org
