________________
जयन्तीप्रकरणवृत्तिः । गाथा २१३
१४९ सव्वत्थसिद्धिहेऊ संसारसमुद्दतारणे सेऊ । होइ तवो कायव्वो बज्झो अब्भिन्तरो चेव ॥१॥ भावेण मंगलं सो असेसमाइसल्लनिमुक्को ।
सिद्धिवहुहिययहारं विहेइ जीवं गुणाहारं ॥२॥ जओ भणियं
"हुयासणेण तत्तस्स कणगस्स जहा मलो । विद्धंसए तहा पावं तवेण खलु जन्तुणो ॥३॥[ ] सव्वेसिं पयडीणं परिणामवसेण उक्कमो भणिओ। पायमनिकाइयाणं तवसाओ निकाइयाणं पि ॥४॥ [ ] सोसंतो जडभावं पोसंतो अहियतेयसंभारं । जिट्ठसुइभावललिओ तवो पयावेण परिकलिओ ॥५॥ परमहिमाणुगएण तवसा डझंति कम्मकमलाई । सच्चं चिय चित्तं पुण जं दोसा जंति लहुभावं ॥६॥ इहलोए चिय अणिमाइयाण सिद्धीण वरपुरन्धीण । होइ तवस्सऽणुभावा आयड्डी गुणमहड्डीणं ॥७॥ तं पुण जिणेहिं भणियं बझं निस्सेसकम्मनिम्महणं ।
छव्विहमऽणंतसिवसुहनिबंधणं होइ जीवाणं" ॥८॥ भणियं च
'अणसणमूणयरिया वित्तीसंखेवणं रसच्चाओ। कायकिलेसो संलीणया य बज्झो तवो होइ" ॥९॥[दशवै.नि./गा.४७] 20 आहारगिद्धिगिरिवरचूला जीवाण झत्ति विहडेइ । अणसणमाइतवेणं असणिनिवाएण सयखंडं ॥१०॥ कायकिलेसेणिमिणा परसुविहाणेण जीवतणुमुच्छा । वल्ली छिज्जइ मूला सिवपहरोहिक्कदुललिया ॥११॥ मणवयणकायजोगा धम्मज्झाणम्मि जस्स संलीणा ।
25 सो झत्ति बद्धलक्खो दक्खो मुक्खं पसाहेइ ॥१२॥ अभितरंपि भणियं जिणेहि वरनाणदंसणधरेहि।
भव्वाण सुद्धिहेऊ पच्छित्ताइतवच्चरणं ॥१३॥ उक्तं च
"पायच्छित्तं विणओ वेयावच्चं तहेव सज्झाओ । - ज्झाणं उस्सग्गोवि य अभितरओ तवो होइ" ॥१४॥[ दशवै.नि./गा.४८ ]
30
Jain Education International 2010_02
For Private & Personal Use Only
www.jainelibrary.org
