________________
१४८
जयन्तीप्रकरणवृत्तिः । गाथा २॥३ इइ सद्धासंमत्तं संकाइकलंकपंकनिमुक्का । परिपालह दिढचित्ता रत्ता जइ सिद्धिरमणीए ॥२८८॥ आसन्नसिद्धिया पुण जहसत्तिपवन्नदेसविरइवया । उवसंतमोहजोहा पालह सीलं जओ भणियं ।।२८९॥ "सव्वेसिं अइसयाणं रयणाणं आगरो इमं सीलं । जं तेण रंजियमणा देवगणा दिति संनिज्झं ॥२९०॥[ ] सव्वगुणभूसणेणं सीलेणं अलंकियाण जीवाण । निरुवयसोहग्गसिरी सयंवरा एइ अणुरत्ता ।।२९१।। सो सच्चं चिय सामी वुच्चइ सो चेव इह महातेओ । जो सीलमुव्वहंतो अमोहसत्तिं पयासेइ ।।२९२।। पंचिन्दियदमणेणं तं पुण सीलं हवेइ इह विमलं ।
तो पंचिन्दियतरुया दमियव्वा सुगुरुसिक्खाए ॥२९३।। जओ
"अवरावरविसएसुं वियरन्ता सीमलंघणुज्जुत्ता । दुईतिन्दियतुरया भवकंतारे भमाडिन्ति" ॥२९४॥ [ ] कोहाइकसायाणं दुरन्तदुक्खाणं खाणिभूयाणं । पसमाइगुणऽज्जणो निग्गहणं कुणह जं वुत्तं ॥२९५।। "गुरुवयणमन्तज्झाणं करेह तह कह वि भवसुसाणाम्म । कोहाइणो कसाया जहा पिसाया न नद्दन्ति" ॥२९६॥ [ ] ताणं च निग्गहेणं केवसिरिसिद्धिभायणं जीवो । तिलोयमत्थयत्थो परमाणन्दं लहइ निच्चं" ॥२९७।। इच्चाइदेसणाए दिणयरपसरन्तरुइसणाहाए । बुज्झन्ति मोहनिद्दावगमेणं पाणिणो तत्थ ॥२९८।। अभयादेवी पंडियधाई तह देवदत्तगणिया य । उवसन्ता पडिबुद्धा खामन्ति सुदंसणं साहुं ॥२९९।। सो वि सुदंसणसाहू भवियणकुमुयाण बोहणे चंदो । तारयजोईणुवरि अकलंको सिवपयं पत्तो ॥३००॥
शीलप्रशंसायां सुदर्शनकथानकं समाप्तम् ॥
15
20
25
Jain Education International 2010_02
For Private & Personal Use Only
www.jainelibrary.org
