________________
१४७
5
10
जयन्तीप्रकरणवृत्तिः । गाथा २।३ तहाहि
"मोहन्धयारघोरे कारागारे इमम्मि संसारे । जीवा कम्मलहुत्तं अहापवित्तेण करणेण ॥२७५॥ लभ्रूण रागदोसप्पगिट्ठपरिणामगंठिभेएण।। पिच्छन्ति कहवि जिणरविवयणपहामंडलं के वि ॥२७६।। पत्ते तम्मि वि भव्वा संसारनिवासदुक्खदन्दोलि । सुमरन्ता जइ इच्छह सिवपुरवरवाससुहसिद्धिं ॥२७७॥ सुविसुद्धनाणदंसणचरणसुरूवम्मि सिवपुरपहम्मि । तो भो ! पयट्टियव्वं निरंतरं अप्पमत्तेहि ॥२७८॥ पमाएण जओ सूरी संपन्नसुयकेवली। वसिज्जाऽणंतकाएसु णंतकालट्ठिइगओ ॥२७९॥ एस पमाओ रुद्दो जम्मि जडाणं हवेइ दिढबन्धो । जम्मि य भवपज्जाओ जायइ उग्गत्तणं पत्तो ॥२८०॥ वालुयासिन्धुनिम्मग्गवडबीयं व दुल्लहं । को ? माणुसत्तं सम्पप्प पमाइज्जा वियक्खणो ।।२८१॥ नाणे दंसणचरणे पत्तेयं परिहरेह अइयारं । अट्ठपयारं जम्हा होइ विसुद्धी परा तेर्सि ॥२८२॥ तेहि विसद्धेहि तओ असेसकम्मक्खओ हवइ तेण । केवनाणुप्पत्ती गच्छह सिद्धिपुरि तत्तो ॥२८३॥ तत्थ असरीररूवा अणन्तरवरनाणदंसणसरूवा । जीवा अणन्तकालं चिट्ठन्तऽजरामरत्तेण ॥२८४॥ अह सव्वविरइरूवे सिवपुरमग्गम्मि गन्तुमसमत्था । तो जिणवरिन्दभणियं सावयधम्मुज्जमं कुणह ॥२८५।। पडिवज्जह संमत्तं मिच्छत्तमहन्धयारदिणनाहं । सव्वासिं आसाणं उज्जोओ जायए जेण ॥२८६।। अरिहं देवो सुगुरू विसुद्धचारित्तलच्छिसंपन्नो । तत्तं जिणिंद भणियं जीवाइयं न अन्नं ति ।।२८७।।
15
20
25
Jain Education International 2010_02
For Private & Personal Use Only
www.jainelibrary.org
