________________
१४६
10
जयन्तीप्रकरणवृत्तिः । गाथा २॥३ उक्किट्ठकलयलेणं उप्पायनिवायअंगहारेहिं । पूरन्ति चउक्काई दिसासु तुट्टन्तहारेहि ॥२६२॥ नज्जइ ओसारिन्ति य चेलुक्खेवण कम्मरयपडलं । बहिरिन्ति दसदिसाओ मंगलगंभीरतूरेहिं ।।२६३।। वायन्ति दुंदुहीओ सवणामयवुड्डिनेहलसहीओ । अइसुरहिपरिमलाउ ठाविन्ति य धूवघडियाओ ॥२६४॥ देवंगणाहिं सद्धि तगुणबद्धाइं विविहगेयाइं । गायन्ति महुरमहुरं वीणाझंकारसाराइं ॥२६५॥ तत्थ वि ठवन्ति देवा कंचणकमलं फुरंतकिरणोहं । उज्जोइयसव्वदिसं केवलनाणं व मुत्तिधरं ॥२६६॥ उवविसइ तस्स उवरिं केवलनाणी सुदंसणमुणिन्दो । तत्तो सब्भूयगुणं थुणन्ति देवा सबहुमाणं" ॥२६७।। "जयसि तुमं मुणिपुंगव ! जयम्मि एयम्मि दिव्वमाहप्प ! । जेण तए निद्दलिओ दप्पो कन्दप्पसप्पस्स ॥२६८।। रागाइयाण सुमणोवइरीणं जं हणेइ माहप्पं । तुह दंसणं सुदंसण ! सुदंसणं चेव थुणिमो ॥२६९।। चुज्जं संवरभरिए तुमम्मि सच्छासयम्मि न मिलाणं । वामाहि हिमाणीहिं सीलं कमलं व निल्लेवं ॥२७०॥ तुह साहसाहारो धम्मझाणेण मंजरिज्जन्तो । न वि किंचि वि विडज्झिओ नारीहिं धूमरीहिं व" ॥२७१।। एयं मुणिन्दगुणगणरयणायरसंथवेण संतुट्ठा । तप्पुरओ उवविठ्ठा उवएससुहेसिणो देवा ॥२७२॥ अन्नो वि नयरलोओ विम्हयरसपसरपल्लवियवत्थो । आगंतूण मुर्णिदं तं वंदित्ता तत्थ आसीणो ॥२७३।। तो तीए परिसाए पुलयंकुरनियरपयडहरिसाए । एस सुदंसणकेवलनाणी धम्मकहं कहइ ॥२७४॥
15
20
25
Jain Education International 2010_02
For Private & Personal Use Only
www.jainelibrary.org
