________________
१४४
जयन्तीप्रकरणवृत्तिः । गाथा २।३ साणुणयं सप्पणयं वीसत्थो पुच्छिओ नरिंदेण । सयलं पि कहइ निहुयं अणुहूयं रयणिवुत्तन्तं ॥२३६॥ अभयाए देवीए कुद्धो राया वि निग्गहिउकामो । पायवडिएण सुइरं सुदंसणेण तु पडिसिद्धो ॥२३७।। सीलपहम्मि अमूढो सिंगारियहत्थिखन्धमारूढो । लद्धनरिन्दाएसो विरइयसुररायसमवेसो ॥२३८॥ कयमंगलोवयारो महिड्डिसामंतमंतपरिवारो। पडिपयजणजोक्कारो विचित्तआउज्जझंकारो ॥२३९॥ परिहरियाहंकारो दिसि दिसि पसरन्तकित्तिवित्थारो । सुविहियनामुच्चारो भयणीसमगणियपरदारो ॥२४०॥ एस सुदंसणसिट्ठी सइ सुमरिज्जन्तपञ्चपरमेट्ठी । अत्थिजणाणं आसं पुरिन्तो जाइ आवासं ॥२४१॥ अभया वि इमं सोउं उब्भंधेऊण हणइ अप्पाणं । परदोहकरा जीवा मरन्ति कीवा सयं चेव ॥२४२॥ धाई वि भउब्भन्ता तुरियं गन्तूण पाडलीपुत्ते । नयरे निवसइ सविहे गणिआए देवदत्ताए ॥२४३।। तत्थ वि तिस्सा पुरओ सुदंसणं थुणइ पंडिया धाई । तह जह गणियाए वि हु तस्सुवरि होइ अणुराओ ॥२४४|| सिट्ठी सुदंसणो वि हु संविग्गो भवनिवासउव्विग्गो । सुहुगुरुचरणविलग्गो संजमभारं धरइ धीरो ॥२४५।। गुरुकुलवासे रयणायरम्मि पुरिसुत्तमेण अह तेण । पत्तं गीयत्थत्तं कमेण कुत्थुहमणिप्पडिमं ॥२४६॥ पउमं व निरुवलेवो दूरं परिचत्तसव्वअवलेवो । तवचरणसोसियंगो विहरइ सव्वत्थ निस्संगो ॥२४७॥ अह एगागिविहारे पडिमं पडिवज्जिऊण विहरंतो । पाडलिपुत्ते नयरे पत्तो उज्जयविहारेण ॥२४८॥
15
25
Jain Education International 2010_02
For Private & Personal Use Only
www.jainelibrary.org
