________________
जयन्तीप्रकरणवृत्तिः । गाथा २/३
इय एस सुद्धलेसो सिट्ठी अमिलायमाणमुहकमलो । आरक्खियपुरिसेहिं नीओ जा वज्झभूमीए ॥२२३॥ तो तिक्खसूलिया ते आरोविन्ति रायआणाओ । भिच्चाण लंघिया सा भयंकरी जायए जेण ॥२२४॥ तत्तो सासणदेवी संनिज्झेण इमस्स सिट्ठिस्स । सुविसुद्धबंभसिरिणो सूला कमलासणी भूया ॥२२५॥ वावारिया य तेहिं कंठे एयस्स तिक्खकरवाला । जायंति कुसुममाला परिमलगुणलुद्धअलिजाला ॥२२६॥ दट्ठूण पाडिहेरं हरिहरहेरम्बदेवयाणं व ।
ते आरक्खियपुरिसा गन्तुं कहयन्ति नरवणो ॥ २२७॥ तो या विम्हइओ वियासिनीलोप्पलाहदिट्ठीओ । वित्थारिन्तो करिणीखंधारूढो दूयं एइ ॥ २२८ ॥
अह तत्थ गओ तुरियं सिट्ठिस्स पभाकरस्स तेएण । दोसा भासित्तेणं राया कन्ति परिहरेइ ॥ २२९ ॥ अवगूहिऊण निहुराया महुरक्खरं पयम्पेइ । सिट्ठिसुदंसणनिहि ! न तं मओ अप्पमाहप्पा ||२३०॥ असमक्खियकारितं हियए करवत्तयं व दारुम्मि | मह सरइ निरन्तरयं दुहावहं किमिह जम्पेमि ? ॥२३१॥ अहवऽन्नाणमहागहगहकल्लोलेण कवलियं मज्झ । पुन्निमपव्वनिसाए सव्वं पि विवेयविहुबिबं ॥२३२॥ तो पुरिसुत्तम ! किज्जउ एसऽवराहो खमावहो मज्झ । जंसि सुदंसणधरी जए पसिद्धो तुमं चेव ||२३३|| एवं खमाविऊण करिणीखंधम्मि तं समारूढं । परिवारेण समेओ निययावासं निवो नेइ || २३४|| न्हविऊण चंदणेण विलित्तगत्तो सुदंसणो तत्तो । मणिभूसणरुइरंगो देवंगदुकूलनेवत्थो ॥२३५॥
Jain Education International 2010_02
For Private & Personal Use Only
१४३
5
10
15
20
25
www.jainelibrary.org
