________________
5
10
15
20
25
१४२
तहाहि
Jain Education International 2010_02
जयन्ती प्रकरणवृत्तिः । गाथा २/३
एवं विचिन्तिऊणं मणोरमा निच्छिऊण परमत्थं । न्हाया कयबलिकम्मा जिणिदपडिमाणं करेइ पूयं ॥२१०॥ तो सासणदेवीओ सम्मदिट्ठिस्स जइ करिस्संति । संनिज्जं मह पइणो तओऽहं पारइस्सामि ॥२११॥ अन्नह अणसणमेवं मए पवन्नं न इत्थ संदेहो । धम्मपईण विणासे जं कुलरामा न जीवति ॥ २१२॥ इय भणिऊणं एसा मणोरमा जिणवराण पयपुरओ । काउस्सग्गेण द्विया सुरगिरिचूल व्व निक्कम्पा ॥२१३॥ सिट्ठी सुदंसणो वि हु दिढसत्तो होइ हिययफलयम्मि । वसणजलहिम्मि पडिओ निज्जन्तो चिन्तए एवं ॥ २१४ ॥
"मह आवया वि धन्ना गंगासबंभचारिणी एसा । अवणे जेण सयलं पुव्वज्जियपावमलपडलं ॥२१५॥ नाणं चिय अभया एसा अच्चाहियस्स जं जणणी । सत्तभयविप्पमुक्का भावेणऽभया हवइ सिद्धी || २१६॥ तं अभयं जे पत्ता धन्ना ते चेव महासत्ता । जम्हा ते जीवाणं न हेयवो कम्मबंधस्स ॥२१७॥ एसो य गिहावासो एरिसकट्ठाण अडइसंकासो । जं इत्थ अक्खरइया रामाओ रक्खसीओ व्व ॥२१८॥ आबालभावउ च्चिय सुहगुरुमूलप्पसंगरसियाण । सुमणोवियाससहलं नराण जम्मं तरूणं व ॥ २१९॥ एसा दुत्थावत्था खरयरसाणासहोयरी नूणं । पावदलदलणहेऊ परमत्थोज्जोयणे मज्झ ॥ २२० ॥
एकं चि इह दुक्खं परलोयपसाहणम्मि जिणधम्मे । पडो न गुणारोहो मए कओ सरलयासहिओ || २२१॥ हिययत्थलम्मि रूढो सुहगुरुपाएहि पसरिओ धम्मो । कप्पमो मह फलओ होही ? किं अन्नचिन्ताए ?” ॥ २२२ ॥
For Private & Personal Use Only
www.jainelibrary.org
