________________
१३७
जयन्तीप्रकरणवृत्तिः । गाथा २।३
इय चिंतिऊण सुइरं महग्घकोसल्लिएण रायाणं । विन्नवइ विणयकुसलो सुदंसणो धम्मकम्मरुई ॥१४५।। देव ! चउमासपव्वे कज्जं देवच्चणाइ कायव्वं । तुम्हाणुनाए मह तो रन्ना अणुमओ संतो ॥१४६॥ सेट्ठी पभायसमए जिणिंदबिंबाण ण्हाणपूयाओ। सव्वड्डीए चेइयपरिवाडीए पयट्टेइ ॥१४७।। तत्तो सुदंसणो निसि एगागी गहियपोसहो सेट्ठी । काउसग्गेण ट्ठिओ चंपाए चच्चरे कम्हि ॥१४८।। अभयं देवि तत्तो धाई वि य भणइ नायवुत्तंता । मन्ने तुह संकप्पो कप्पदुमो फुल्लिओ फलिओ ॥१४९।। उज्जाणीए अभया तओ य वंचणपहम्मि मइकुसला । सिरकमलं मे बाहइ न गया उत्तरमिमं काउं ॥१५०॥ जाणट्टियं लिप्पमयं मुत्तिं कामस्स पढमरयणीए । अंतेउरम्मि तत्तो पंडियधाई पवेसेइ ॥१५१॥ पइसारंती क्खलिया पडिहारेहि किमेयंति ? । पुच्छिज्जंती पंडियधाई कूडिक्कगिरिधरणी ॥१५२।। अज्जुज्जाणं अभया न गया जं सरीरकारणं तेण । अंतेउरे करिस्सइ पूर्व कामाइदेवाणं ॥१५३॥ सिरिकामदेवपडिमा पइसारिज्जइ तओ इमा ताव । अन्नेसि पि सुराणं आणिज्जस्संति मुत्तिओ ।१५४।। उग्घाडिऊण दंसइ मुत्तिं मयरद्धयस्स सा तेसिं । निस्संकेहिं तेहिं एसा जाहि त्ति य भणिया ॥१५५।। इय उत्तरेण धाई तेसिं मोहत्थमवरसुरमुत्ती । पइसारइ सा धुत्ती निहुयं व दोतिन्निवाराओ ॥१५६।। तो उत्तरीयपिहियं जाणे ह्रवियं सुदंसणसेट्टि । पडिहारेहि अक्खलिया नेउं अप्पेइ अभयाए ॥१५७।।
15
20
25
Jain Education International 2010_02
For Private & Personal Use Only
www.jainelibrary.org
