________________
जयन्तीप्रकरणवृत्तिः । गाथा २१३ तीए भणियं वच्छे ! तुमए जुत्तं न मंतियं मुद्धि ! । दिढसत्ताण न याणसि जेणज्ज वि धीरयं पुत्ति ! ॥१३२॥ जिणवयणभावियप्पा निक्कंपीभूयमाणसो एस। सेट्ठी सुदंसणो तुह कहं ? पइन्ना हवइ सहला ॥१३३॥ अन्नो वि सावओ खलु परनारीसोयरत्तसत्तेण । निज्जिणइ जयं किं पुण गुरुसत्तसिरोमणी एस ? ॥१३४॥ बंभेक्कधणा धणियं जस्स य गुरुणो सुसाहुणो निच्चं । सो कहमबंभसेवी ? गुरुसीलमुवासगो जेण ॥१३५॥ निच्चं गुरुकुलवासी झाणब्भासी दुकम्मनिन्नासी । सक्को कहमानेउं ? अभिसरिउं ? वा इमो वच्छि ! ॥१३६।। हवइ पइन्ना सहला केसरिकेसरगहे वि धीराण । न हु तस्स सीलसेलप्पयंपणे कस्स वि घडिज्जा ॥१३७।। इय पंडियधाईए भणिए अभया भणइ माइ ! तुमं । आणेसु एक्कवारं परं अमोहं भविस्सामि ॥१३८|| तो बह विचिंतऊणं धाई वि य पंडिया भणई एवं । तुह निच्छयम्मि वच्छे ! पेच्छामि उवायमहमेगं ॥१३९॥ पव्वम्मि चच्चराईसु काउस्सग्गं करेइ सो धीरो । जइ परमाणेयव्वो तहट्ठिओ नन्नहा पुत्ति ! ॥१४०।। साहु उवाओ एसो जइयव्वं जणणि ! ता तए एत्थ । इय देवीए भणिए उत्तरमोमिति सा देइ ॥१४१॥ कइवयदिणाण अन्ते ताण मणोरहसएहिं सिग्घं पि। किं चुज्ज? जं कोमुइमहूसवो तत्थ सम्पत्तो ॥१४२॥ आरक्खियपुरिसेहिं रायाएसेण पडहघोसेण । जाणावियं पुरीए उज्जाणीए जणो एउ ॥१४३।। चउमासए पभाए सविसेसं धम्ममग्गकज्जाई । कायव्वाइं रायाएसो य अलंघणीओ त्ति ॥१४४।।
15
20
25
Jain Education International 2010_02
For Private & Personal Use Only
www.jainelibrary.org
