________________
१३८
जयन्तीप्रकरणवृत्तिः । गाथा २। हरिसभरनिब्भरंगी महुरं अभया वि भणइ तयहुत्तं ।
अविवेइमणोहरणं न मंततंताण जं सज्जं ॥१५८।। तहाहि
सोम तुमं मह उवरिं रुइपसरं कुणसु जेण मणकुमुयं । वियसइ बहुहाऽऽमोयं उज्झिय बहुदिवससंतावं ।।१५९।। मह सुंदरपुरंदर एरावणकुंभसोहिथणजुयलं । कुणसु नियपाणिनहरुइरुइरं सिंदूरसोहिल्लं ॥१६०॥ तं काम एव रूवो तुमम्मि एसा रई सही मज्झ । पीई वि जहा निद्धा होइ सही तह तुमं कुणसु ॥१६१।। तं पणयकप्परुक्खो तणुलया मज्झ कोमला सरला । लीलारोहणविहिणा लहेउ सहपल्लवुल्लासं ॥१६२।। जघणत्थली महेसा गंगापुलिणं व्व मिउं महाभोगा । ललियगईए तीए वियरसु तं रायहंस व्व ॥१६३।। लावन्नामयकलसे तुमम्मि सुकुमालमालईमाला । वरकंठे गुणलच्छि लहंतु मह सुहयबाहूओ ॥१६४।। अणवरयमयणबाणप्पहारविहुरं पुणन्नवं होउ । सामिय सरीरमेयं मह तुह संगमसुहं लद्धं ॥१६५।। सामिय ! अपुन्नं किं मह ? तुमम्मि परमोयए वि पत्तम्मि । जं एस मयणजलणो पसंतो नेव उलाइ ? ॥१६६॥ इयऽणेगहा सुहाहिं सो सिंगारायारनयवयणेहिं । पलयपवणेहिं मेरू जह तह न हि कंपिओ तीए ॥१६७॥ काउस्सग्गेण ट्ठिओ सुदंसणो तयणु मोणमावन्नो । धम्मज्झाणं झायई अवियारायारसम्पन्नो ॥१६८|| पुणरवि अभयादेवी भासइ बहुहावभावमणहरणं । मं मूणत्थो सामिय दुहियं किमुविक्खसे ? अहियं ॥१६९।। तेयस्सी वि न सूरो हवसि तुमं जेण पउमिणीमउयं । नयसि न हरिसं मं पहु ! बहुडा अब्भत्थिओ जइ वि ॥१७०॥
15
20
25
Jain Education International 2010_02
For Private & Personal Use Only
www.jainelibrary.org
