________________
5
10
15
20
25
१३२
Jain Education International 2010_02
जयन्ती प्रकरणवृत्तिः । गाथा २३
निवसइ सदारतोसो अब्भूयसीलस्स तस्स हिययम्मि ! कुच्छुहमणि व्व सुगुरूवएसखीरो य उवलद्धो ॥८०॥ आबालकालरूढो तस्स खमाए दयाणुभावेण । सम्मत्तकप्परुक्खो सुहगुरुपायप्पसंगेण ॥८१॥ धम्मकलं पयडंतो निहणइ मिच्छत्तमोहमहिनाहं । अच्चंतसरलयाए अणुगुणसिक्खावयजुत्तो ॥ ८२ ॥ नेगमसंगहनिरओ सद्दववहारसिद्धिरित्तो । नयमग्गसमभिरुढो एवंभूयप्पसिद्धप्पा ॥८३॥ एस सुदंसणसिट्ठी सम्मं सुगुरूवएसलद्धट्टो । जिणसासणं व अवितहवाई लोए महग्घविओ ॥८४॥ गुरुपक्खावायनिरओ परिसप्पिरदप्पसप्पविद्दवणो । विणओवयारकुसलो वहेइ दियरायसमसीसिं ॥८५॥ चिंतेइ सहदासो सुदंसणो एस गुणगणावासो । मह उज्जियगिहवासो तो उचिओ गुरुकुलब्भासो ॥८६॥ इय भावियपरमत्थो हिययट्ठियसव्वसारसुक्खत्थो । निवसयणपयडसत्तं सिट्ठिपए ठाव पुत्तं ॥ ८७|| अक्खलियल लियचरणो अंगोवंगोवओगवित्थरणो । उव्वूढसीलभासो मुणिवसहो होइ सिट्ठी वि ॥८८॥ एसो सुदंसणो पुण सिट्ठिपए सुट्टु संठविओ संतो । वित्थरियकमलकोसो परमिट्ठपट्ठलद्धट्ठो ॥८९॥
अन्नं च वसइ नरवरपरलोयहिओ पुरोहिओ तत्थ । कविलो मंतमहोसहिपच्चूहसमुहनिद्दलणो ॥९०॥ चंदोज्जलदियपंती परिणयबिबाहरा सिणिद्धच्छी । तप्पत्ती कविला पण जोव्वणवणराइलच्छी व्व ॥९१॥ सा अन्नदिणे जंपइ कविलं चिट्ठइ कहं ? बहिं निच्चं । बहुकालं गोट्ठीए सरसाए इक्खुलट्ठीए ॥ ९२ ॥
For Private & Personal Use Only
www.jainelibrary.org
