________________
१३१
10
जयन्तीप्रकरणवृत्तिः । गाथा २।३
गयणविउलम्मि सावयकुलम्मि तारयगणाण मज्झम्मि । तुह पुत्त सोमकविबुहधुवप्पसिद्धी परा होउ ॥६७।। सोहग्गरूवलावन्नवन्नसव्वंगचंगिमगुणेहिं । तुट्ठाओ थेरीओ आसीसं तस्स इय दिति ॥६८॥ मणहरभोगमणोरहरहाणमह सारही इमो होही । नेहवियड्डिमवसहे पेरंतो पवयणगुणेहिं ॥६९।। धन्नाए तरुणीए मन्ने एयस्स पाणिकमलाई । होहिंति पुन्नघणथणकंचणकलसप्पिहाणाइ ॥७०॥ जुव्वणवणम्मि रम्मे तरुणी एयम्मि कप्परुक्खम्मि । वल्लि व्व आरुहिस्सइ सरसा सव्वंगपरिवेढा ॥७१।। एसो सुदंसणो सहि ! अरुणकरो दिणमणि व्व बालो वि । अवहरियसव्वदोसो भवणं सयलं पि रंजेइ ॥७२॥ करकमलपरिग्गहियं काउं रूवाइसंपयासहियं । तं दटुं तरुणीओ इय अन्नुन्नं पयपंति ॥७३॥
अंगोवंगेहि समं पइदिवसं तस्स वड्डइ मई वि । सियपक्खे ससिणो इव कलाहिं सद्धिं जहा जुन्हा ॥७४॥ सो मोक्कबालभावो कमणे गुरुसत्तिजुत्तमहातेओ । होइ कुमारो सच्चं कलाविओवरिं ट्ठिओ जेण ॥५॥
आरुग्गाइगुणेहिं पुव्वज्जियपुन्नपगरिसवसेण । बावत्तरि कलाओ गिन्हइ सो अप्पकालेण ॥७६॥ नंदणवनराईए मेरुगिरिंदो व्व जुव्वणसिरीए । परिकलिओ सव्वंगं अह सो कल्लाणमुत्तिधरो ॥७७॥ किल पुन्नपरिणईए गुणेहिं रूवाइएहिं य रईए । सोहग्गमञ्जरीए उव्वणनवजोव्वणसिरीए ॥७८॥ उत्तमकुलजायाए धूयाए मणोरमाभिहाणाए । सद्धि पाणिग्गहणं करिज्जड तयण पियरेहिं ॥१९॥
15
20
25
Jain Education International 2010_02
For Private & Personal Use Only
www.jainelibrary.org
