________________
5
10
15
20
25
१२८
Jain Education International 2010_02
जयन्तीप्रकरणवृत्तिः । गाथा २१३
भणइ सुभगो नाहं उवहासेणं पढामि नवकारं । आयासगमणविज्जाबहुमाणपरव्वसो किंतु ॥२७॥ सिट्ठि ! मए निव्विडो दिट्ठो ज्झाणट्ठिओ वणे साहू | भणियं नवकारपयं तयणुप्पइओ गयणमग्गे ||२८|| सोऊणमिमं सिट्ठी तो खाइं पढसु तं वच्छ ! । संपुन्नं नवकारं अइसयगुणरयणभंडारं ॥२९॥ सुकम्मपरिणईए कडक्खलक्खीओ तओ सुभगो । हरिसेण य पढइ पुन्नं एसो परमिट्ठनवकारं ॥ ३०॥ एसो पढमो मंतो परमरहस्सं परंपरातत्तं । नाणं पढमं नेयं सुद्धं झाणं सिवं नेयं ॥३१॥ हिययकमलट्ठि च्चिय झायव्वो एस सव्वट्ठाणेसु । सुइभूएणं निहु पवित्तदेसेसु भणियव्वो ||३२|| इय सिक्खादाणेण सरसेणं सिट्ठिकुंजरेणेसो । भमरो व्व कउलीणो हरिसतरुब्भिन्नरोमंचो ||३३|| अह चंदुज्जलभत्ती नवकारे तस्स माणसे निच्चं । [ अत्तम्मि] वियासयंती सुकयं चंदुज्जुयवणं व ॥३४॥ पइदिवसं नवकारं झायंतो जाव चिट्ठए एसो । ताव कमेणं पत्तो पाउसकालो जणाणंदो ||३५|| एगम्मि दिणे तो सो वणा नियत्तोऽवलोयए घोरं । नइपूरं तो भीओ खणमेगं चिट्ठए जाव ||३६|| महिसीओ तरिऊणं पत्ताओ ताव झत्ति परतीरे । तो अवरखित्तमज्झे पविसंतीओ पलोयत्ता ||३७|| किल गयणगामिणीए विज्जाएऽहं नहम्मि वच्चिस्सं । इय कयअज्झवसाणो उप्पइओ पडइ जवमज्झे ||३८|| धणियं तत्थ य विद्धो सुभगो हिययम्मि तिक्खकढिणेण । पुव्वज्जियकम्मवसा कलनिच्चलखयरकीलेण ||३९||
For Private & Personal Use Only
www.jainelibrary.org
