________________
१२२
जयन्तीप्रकरणवृत्तिः । गाथा २।३
धारितो नवकारं हियए न गणेइ दुक्खसंभारं । हारं व गुणाहारं पावितो इव सुहागारं ॥४०॥ . [परमिट्ठिमंतेण] मंगलकलसेण सुकुलमज्झम्मि । अग्गेसरण लेसाविसुद्धिकुसुमोवयारेण ॥४१॥ परलोयं संपत्तो सो पुत्तो रिसहदाससिट्ठिस्स । उववन्नो कुच्छीए घरिणीए अरिहदासीए ॥४२॥ तम्मि कुले गयणंगणविउले उदयंतयम्मि सुभगम्मि । आसापयासललिओ वसुवित्थारो समुल्लसिओ ॥४३॥ वियसंतकमलवयणी सा, [हरिसेण वुटुंत]थणजुयला । गब्भेण सिट्ठिणी सा जंगमदिणलच्छिसंकासा ॥४४॥ अह कप्पलयालीलं वहइ समुप्पन्नदोहला एसा । दीणाणाहाईणं वियरंती सिट्ठिणी दाणं ॥४५|| तीए कमेण जाओ उत्तमतिहिकरणलग्गजोगेसु । अह लक्खणपरियरिओ पुत्तो [हासो] व्व रमणीणं ॥४६॥ नेहदलुल्लासकरे कुलप्पईवम्मि तम्मि जायम्मि । दीवंतरप्पहाओ तस्स मिलायंति तेएण ॥४७॥ जाया य अरिहदासी सोमपुत्तम्मि तम्मि उदयंते । पुव्वदिसि व्व समुज्जलमुहा सुहासारसित्त व्व ॥४८॥ अरुणकरे संजाए पुत्ते मणनयणवयणकमलाई। आसुल्लाससमं चिय ससयणसिट्ठिस्स विसप्पंति ॥५०|| सुयजम्मकहणतुट्ठो पज्जत्तं पारितोसियं दाणं । तत्तो वियरइ सिट्ठी चेडीए धोयमत्थाए ॥५१॥ महरिहउवायणेणं रायं आपुच्छिऊण तो सेट्ठी । कारागारविसोहणममारिघोसं करावेइ ॥५२।। रायपहचच्चराईसु बाहिं अभितरम्मि नयरीए । दिज्जंति य दाणाई दारिद्दगिरिन्दवज्जाइ ॥५३॥
15
20
25
JainEducation International 2010_02
For Private & Personal Use Only
www.jainelibrary.org
