________________
जयन्ती प्रकरणवृत्तिः । गाथा २ । ३
तो आगओ गिहम्मि वि रयणीए सीयपीडिओ संतो । चितइ जहा मुणिदो चिट्ठिस्सइ सो कहं तत्थ ? ॥१४॥ एम्मि सिसिरमासे जेण दरिद्दाण हीणवत्थाण । वट्टइ दुत्थावत्था वायंताण दसणवीणं ॥ १५ ॥
तह दीसंति सराइं फलिहसिलीभूयबहलसलिलाई । डज्झति पउमिणीओ वणराईओ मिलाईति ॥१६॥ पइगेहं जलणोवरि करकमलछत्तधारिणो लोया । हुंति जओ जड्डहरो धन्नाणं एस सिद्धिकरो ||१७| अवि गमज्झे अम्हं पावरणे घरिणिजलणसविहेऽवि । तुहिणकण मिस्साए बाहंते अंगुवंगाइ ॥१८॥ ता धन्नोऽहं जइ तं पिच्छिस्सं अक्खयं मुणि तत्थ । इय चिंतंतो एसो पच्छिमरयणीए उट्ठित्ता ॥ १९॥ गच्छइ महिसीचारणकए मुणिंदस्स दंसणट्टाए । पत्तेण तेण दिट्ठो वणम्मि पडिमाट्ठिओ साहू ||२०|| तो हिट्ठो सो सुभगो लहुकम्मो जेण वंदए तयणु । अह उइओ दिणनाहो उज्जयंतो दसदिसाओ ॥२१॥ अरिहंतनमोक्कारं फुडक्खरं भणिय पारिउस्सग्गो । उप्पइओ गयणयले स मुणी सुभगस्स पच्चक्खं ॥२२॥ अरिहंतनमोक्कारं एसो खलु गगणगामिणीविज्जा । अज्जेव मए [विन्नाया ] मुणिंदनाहस्स दिट्ठीए ||२३|| इय चिंतिऊण सम्मं सद्धाबहुमाणभत्तिसंजुत्तो । नवकारपयं पढमं अणुसमयं पढइ सो सुभगो ||२४|| भवणे वणे जणे वा मणे कुणितो पढेइ अणवरयं । सयणासणेऽसणे वा तरक्कताणो सबहुमाणो ॥ २५ ॥ दट्ठण सिट्टिणा सो भणिओ किं ? हासपच्चयं पठसि । अरिहंतनमोक्कारं वारं [ वारमुच्चरिय] सुभग ! ||२६||
Jain Education International 2010_02
For Private & Personal Use Only
१२७
5
10
151
20
25
www.jainelibrary.org
