________________
१२६
____ 10
जयन्तीप्रकरणवृत्तिः । गाथा २।३ सीलं पुण पडिपन्नं सत्तरसविहसंजमो जओ वासो । होइ सया सिवनयरे भवरन्नगयाण जीवाण ॥१॥ एएणं सीलेणं सेलेसीकरणबंधणविमुक्का । सव्वोवाहिविसुद्धा लहंति सिद्धि लहुं जीवा ॥२॥ बहुजीवगएणिमिणा सीलेणं खीरसायरनिभेण । आराहिएण पुरिसुत्तमलच्छि सासयं लिंति ॥३॥ देसेणं पुण सीलं गिहीण सुविसुद्धसम्मदिट्ठीण । पररमणिपुरिसवज्जणमऽमोहमाहप्पकप्पदुमं ॥४॥
धन्ना पालिन्ति इमं सिवसुहलच्छीकडक्खअक्खित्ता । तहाहि
संसारसुहविरत्तो सुदंसणो जह महासत्तो ॥५॥ 8 जंबुद्दीवे दीवे दाहिणभरहद्धमज्झिमे खंडे।
देसे अंगे चंगे चंपानयरी पुरा होत्थ ॥६॥ कुवलयवियासदच्छो सुहावहो जस्स पसरियकरोहो । आसि तहिं दहिवाहणराया नक्खत्तसंगहरो ॥७॥ रूवगुणमयणघरिणी सरससमुल्लावसल्लई करिणी । सोहग्गरयणखाणी पट्टे तस्साऽभया देवी ॥८॥ ईसरसिरोवयंसो अससंको सयलसोममुत्ती वि । सिट्ठी सम्मदिट्ठी वसइ तहिं रिसहदासो त्ति ॥९॥ जुन्हानिम्मलसीला तस्स पिया साविया विगयहीला । जंगमसीललीलासत्तमणा अरिहदासि त्ति ॥१०॥ ताण गिहे कम्मयरो सुभगो महिसीण पलाणुज्जुत्तो । पाएणऽज्जवजुत्तो अज्जुणबाणु व्व सुहकम्मो ॥११॥ अह अन्नया य एसो महिसीजहं वणम्मि चारित्ता । दिवसावसाणसमए माहे मासम्मि विणियत्तो ॥१२॥ काउस्सग्गेण ट्ठियं एगं मुणिपुंगवं निरावरणं । पिच्छइ सोमसं[कं]तं नयणाण महसवं दिन्तं ॥१३॥
20
25
Jain Education International 2010_02
For Private & Personal Use Only
www.jainelibrary.org
