________________
१२५
10
जयन्तीप्रकरणवृत्तिः । गाथा २३
कोसंबिपुरवरीए ओमे अम्हाण तं सि सीसो त्ति । वुत्ते गुरुहिं राया अमियरसेण व संसित्तो ॥८२॥ मिच्छत्तविसविमोहणरहिएणिमिणा तओ नरिन्देण । सम्मइंसणमणहं पडिवन्नममंदहरिसेण ॥८३।। देवगुरुभत्तिगंगा पसरइ हिमसेलमहिमओ तत्तो । हवइ य सव्वत्थ तओ पयाण अणकूलगामित्तं ॥८४।। तस्स निवइस्स रत्ते जणम्मि उदयंगयम्मि मित्तम्मि । संपज्जइ पइदिवसं कमलाणं कोसवित्थारो ॥८५।। अणुरत्तमंडलेणं महप्पभावेण मंतजोगेण । एएण नरिंदेणं भवणं पि वसीकयं तत्तो ।।८६।। उत्तुंगतोरणाई कंचणकलसुच्छलंतकिरणाई । तवणिज्जदंडधयवडकिकिणिरवहिययहरणाई ॥८७॥ तिक्कालं कालगुरुधूवसमुल्लसियधमकुरुलीहिं । आमोयमोयपरवसखेयरकिज्जंतसंसाइं ॥८८॥ गामागरनगरेसुं देसेसु विऽणारिएसु भत्तीए । जिणभवणाई तत्तो कारावइ संपई राया ||८९॥ करुणापरिणामेणं दीणाणाहाण दावए दाणं । जिणधम्मपसंसाए जं तेसि होइ बोहिफलं ॥१०॥ काऊण दयादाणं न दीणभावेण वड्डमाणेण । जलही वि होइ निम्मलगुणगणरयणायरो लोए ॥९१॥ करुणादाणुवयारी संपइराउ व्व कित्तिवित्थारी । इव सिवपुरपहचारी हविज्ज सम्मत्तगुणधारी ॥९२॥
दानद्वारं समाप्तं ॥
15
Jain Education International 2010_02
For Private & Personal Use Only
www.jainelibrary.org
