________________
5
10
15
20
25
१२४
Jain Education International 2010_02
जयन्ती प्रकरणवृत्तिः । गाथा २१३
वज्जंति दुंदुहिओ धाराधरधीरनिस्सणसहीओ । नच्चति य तरुणीओ जणाण मणनयणहरणीओ ॥ ६९ ॥
कीरंत हट्टसोहा आदिज्जंति धम्मियजणोहा । पुरिज्जति चउक्का गिज्जंतजिणिदगुणचक्का ॥ ७०|| दिज्जंति य दाणाई सुगइनियाणाई गुणनिहाणाई | घोसिज्जए अमारी सुकयकयाणाण वक्खारी ॥७१॥ बज्झंति तोरणाइं उवसोहिज्जति सव्वसरणाइं । गिज्झंताभरणाइं मुच्वंति य गुत्तिधरणाई ॥७२॥ दज्झंतधूवधूमंधयारमेहावयारसंकाए । पयडंति जत्थ तत्थ व सिहंडिणो तंडवं हिट्ठा ||७३ || तो पुप्फपयरकुंकुमच्छडाहिं रमणीयरायमग्गेसु । संचरमाणम्मि रहे महामहे धम्मजणनिवहे ||७४ || अणुगच्छंतचउव्विहसंघसमेया सुहत्थिणो गुरुणो । अह दिट्ठा ओलोयणट्ठिएण संपइनरिन्देण ॥७५॥ मन्नेमि दिव्वा मए इमे सोममुत्तिणो मुणिणो । अह माणसम्मि वियस विवेयकुमुयायरो तस्स ॥७६॥ गुरुपक्खवायकलिया सहसा मोयम्मि पसरिए तत्थ । भरि व्व पुव्वजाई सम्मं सरिया नरिन्दस्स ॥७७॥ आणंदपरिणएणं गएणं सूरीण अंतिए तेण । पयकमलप्पणएणं अवणीओ विरहसंतावो ॥७८॥ तो राया अणवरयं अमंद आणंदवाहबिंदूहिं । हारं व रययइ पणओ गुरुण पयपउमलच्छी ॥७९॥ जंप य संपइनिवो रहसभरुब्भिन्नबहलरोमंचो । भयवं ! पच्चभिजाणह मं ? तुम्हे सम्ममुवउत्ता ||८०|| गोवइरुइपसरेणं वियसियमणनयणवयणकमलेहिं । तो भणियं सूरीहिं महुयररवमहुरसद्देणं ॥८१॥
For Private & Personal Use Only
www.jainelibrary.org
