________________
जयन्तीप्रकरणवृत्तिः । गाथा २।३
१२३ छम्मासियमुत्ताहलसबंभचारीहिं हरिसअंसूहि । सुयदिच्छियरज्जसिरीहारं व्व रएइ तो राया ॥५६॥ भणइ य पुत्तय ! तुमए पवत्तिया अमियसारिणी जमिह । गीयकला तं लोए सच्चं चिय रायतणओऽसि ॥५७॥ उचिया तुह रायसिरी चंदगुत्तस्स मज्झ पुत्तस्स । किंतु न तारामेलो तीए सह नेहहेऊ ते ॥५८॥ ता वच्छ ! तुज्झ संपइ किमवच्चं ? किं पिए य त्ति ? तेणुत्ते । संपइ कुमारो जाओ संपइ अत्थि त्ति पडिवयणो ॥५९॥ तो तुटेणं रन्ना संपइकुमरस्स रोरजीवस्स । पुव्वसुकयाणुभावा उज्जयणी पुरवरी दिन्ना ॥६०॥ देहकालोवचएणं राया पडिपुन्नमंडलो सतेओ । पुव्वभवऽज्जियपुन्नखीरोयसमुद्दओ जाओ ॥६१॥ वढंतनेहदसो पडिकूलसमीरणे अविज्झाओ। जस्स पयावपईवो अउहरूवो जलइ निच्चं ॥६२॥ जस्स कमलाकरस्स व कोसो वसुपरपरिओ संतो । वियसइ पइप्पभायं दलाणि सव्वाणि पयडंतो ॥६३।। पडिवक्खक्खोहदक्खा निच्चं बहुमाणबलिपरिग्गहिया । दुग्गा ईसरवल्लहसंवासा जस्स रज्जम्मि ॥६४॥ रज्जम्मि जस्स मंडलविसेसपन्नाइकुसलबुद्धीणं । मंतीणं ताण मंतेहिं खुद्दोवद्दवसमो होइ ॥६५॥ मित्तकलापणएण संपइराया कमेण वडेतो । संपुन्नमंडलत्ते वियरइ सो कुवलयाणंदं ॥६६॥ अह उज्जेणिपुरीए सिवपुरपहगामिसावयजणेणं । पारद्धा रहजत्ता पवयणगुणचक्कसंजुत्ता ॥६७॥ दिज्जति चच्चरीओ संसारसमुद्दतारणतरीओ। धम्मदुममंजरीओ सवर्णिदियकमलभमरीओ ॥६८।।
15
25
Jain Education International 2010_02
For Private & Personal Use Only
www.jainelibrary.org
