________________
१२०
जयन्तीप्रकरणवृत्तिः । गाथा २।३ इइ जंपंतं रोरं पिट्ठिविलग्गं भणंति मुणिचंदा । अम्ह गुरूणं आणा आणेयव्वं त्ति कहं ? देमो ॥१७॥ एवं वोत्तो दमगो गच्छइ आसापिसाइयाघत्थो । जंगमकप्पतरूणं गुरूण तो पायमूलम्मि ॥१८।।
सुहए तेसिं दंसपहम्मि दमगस्स तस्स पत्तस्स । . अब्भत्थणामणोरहरहा पयट्टंति सविसेसं" ॥१९॥ 'दुब्भिक्खदुक्खदावप्पसमणमेहाण तुम्ह दिट्ठीए । दूरीकिज्जउ मज्झ संतावो अमियवुट्ठीए ॥२०॥ अज्जं दालिद्दडुमो भग्गु च्चिय अम्ह मन्निमो देव ! । तुम्ह सुहत्थीण घणकरदाणप्पसरलीलाए ॥२१॥ जीवदइक्कनिवासा तुम्हे गुणसायरा घणाणं पि । तण्हावहाररसिया ता मज्झं देह पसिऊणं ।।२२।। तो देह भोयणं मह जस्सणुभावेण प्फुरियविरिओ हं। लीलाए जेण धम्मे जीवं कोडिं चडावेमि ॥२३॥ तो तुम्हाण समक्खं निच्चलट्ठाणेण सरलयं घेत्तुं । सम्ममुवलद्धलक्खो देव पसाहेमि परलोयं ॥२४॥ सोउमिमस्स विलावं स उण जिणसासणस्स उज्जोयं । पेच्छंतो तयभिमुहं अज्जसुहत्थी गुरू भणइ ॥२५।। मुणिवेसेणं लब्भइ भोयमम्हाण एस कप्पु त्ति । गिहिस्सं मुणिवेसं तो वुत्तं तेण दमगेण ॥२६।। दिन्नम्मि साहुवेसे भुत्तो सरसं पगिट्ठमाहारं । हिट्ठो तुट्ठो चिंतइ अव्वो धम्मस्स माहप्पं ॥२७॥ ते च्चिय जयम्मि धन्ना ताण सुलद्धो य माणुस्सो जम्मो । जे गिण्हन्ति मुणीणं धम्म आबालभावाओ ॥२८॥ एए पुण गुरुणो मह जंगमकप्पडुमा महाभागा । कप्पियफलदाणरया जयंतु पत्तेहिं परियरिया" ॥२९॥
15
20
25
Jain Education International 2010_02
For Private & Personal Use Only
www.jainelibrary.org
