________________
११९
जयन्तीप्रकरणवृत्तिः । गाथा २।३
पडिबद्धविहारा तीए निरवज्जपरिसरुज्जाणे । अज्जसुहत्थिभिहाणा समोसढा अन्नया गुरुणो ॥४॥ दुब्भिक्खम्मि दुरते दमगो एगो परिभमंतोऽवि । दुहिओ तत्थ न भत्तं पज्जत्तं पावए कहवि ।।५।। अन्नम्मि दिणे ईसरघरम्मि साहूण जुयलयं दिटुं । पविसंतं तेण तओ पेच्छइ दारम्मि चिठ्तो ॥६॥ तो खज्जभोज्जवंजणरसेहिं विविहेहिं तत्थ दळूणं । साहूणं पडिलाहणमच्चब्भुयभत्तिसंजुत्तं ॥७॥ धन्ना एए मुणिणो जं भिक्खंता वि इन्भलोएण । आयरपरेण निच्चं पडिलाहिज्जति दुब्भिक्खे ।।८।। एएसिं चिय जम्मो सलाहणिज्जो इमेसि धम्मो य । कप्पदुमो इव कप्पियफलप्पयाणेक्कदुल्ललिओ ॥९॥ एए चिय मुणिवसहा धम्मधुराभारधरणधोरेया । जं ईसरगुरुमाणं लहंति सुगईए गच्छंता ॥१०॥ इइ सुहचिंतापगरिससरहसचित्तस्स तस्स ते मुणिणो । - जंति गुरुणो पासे सदयं अब्भत्थिया तेण ॥११॥ $$ "संसारम्मि अरन्ने उवसमआसमपयम्मि तह करुणं ।
आरोवति मुणी जह जियाण तावं हरइ निच्चं ॥१२॥ ता देव देह दमगस्स मज्झ तुब्भे दयालुया अन्नं । पज्जत्तं अन्नत्थ वि लहंति तुम्हारिसा जेणं ॥१३॥ धवलद्धपइटेहिं मुणीहि आसाण साहणं होइ । लोए वि इय पसिद्धी ता मह आसं पयासेह ॥१४॥ अब्भत्थिएहिं किज्जइ रुईए परिपूरणेण आसाणं । उज्जोओ निच्चं चिय पयडमिणं सूरसोमेहि ॥१५॥ संतोसमंदिराणं मुणिंद ! पोसेइ तुम्ह दिढभावं । एसा छुहा पुणोऽम्हं दुक्खाणं देइ दंदोलिं ॥१६॥
25
Jain Education International 2010_02
For Private & Personal Use Only
www.jainelibrary.org
