________________
११८
10
जयन्तीप्रकरणवृत्तिः । गाथा २।३ जणएण तओ वुत्तं वच्छ ! तए मासियाइपव्वेसु । पज्जत्तं चिय दिन्नं न किं पि पत्तं मए तहवि ॥६५॥ तो लवइ बंभचंदो सुगईए तुम्ह कारणं ताय । जलणाइसाहणेणं करेमि पाणाण परिहाणि ॥६६॥ मा अत्तय ! इइ जम्पसु जाणियनिस्सेससत्थपरमत्थ ।
जं अप्पघायगाणं अगइ च्चिय होइ जीवाणं ॥६७॥ अन्नं च
"पावविसुद्धिनिमित्तं अप्पवहं कुणइ जो महामूढो । न हु होइ तस्स सुद्धी पंकेण व मलिणवत्थस्स" ॥६८॥ [ ] कहमन्नहा अहं तुह पुत्तो सुगईए कारणं होमि ? । दिवो सुयम्मि सग्गो पियराणं इयकहं सत्थं ॥६९।। इय सुयवयणे जंपइ जणओ तं वच्छ ! मह इमं देहि । जं अईयरयणिकरुणादाणसमुवज्जियं पुन्नं ॥७०।। तित्थेसुं न्हाणाइं न हुंति दाणाई तवविहाणाइं । सुगईए नियाणाई दयाए दाणं जहा दिन्नं ॥७१।। एवं विचिंतिऊण पुत्तो पिउणो पयासियप्पणओ । दुविहकुसेण पवित्तियकरकमलो देइ तं सुकयं ॥७२।। संतोसं समुव्वहंतो पुत्तं संभासिऊण सकुडुंबं । सो सोमदेवजणओ संपत्तो इच्छियं टाणं ॥७३।।
करुणादाणकहाणयं सम्मत्तं ॥
15
8 लोगुत्तरजिणधम्मे छज्जीवनिकायवच्छले देयं ।
दुहियाण दयादाणं धम्महुमसरसगुणट्ठाणं ॥१॥ दमगस्स दयादाणं अज्जसुहत्थीहि दिव्वनाणीहि ।
दिन्नं निस्संगे हि वि नाऊणं सासणुज्जोयं ॥२॥ तथाहि8 जंबुद्दीवे दक्खिणभरहद्धे मज्झम्मि खंडम्मि ।
आसि पुरी कोसंबी सग्गसमे वच्छदेसम्मि ॥३॥
25
Jain Education International 2010_02
For Private & Personal Use Only
www.jainelibrary.org
