________________
१२१
।।
10
जयन्तीप्रकरणवृत्तिः । गाथा २।३
इच्चाइ भावणाए विसुद्धचित्तस्स होइ दमगस्स । सामाइयमव्वत्तं निहणइ जं दुक्खदन्दोलि ॥३०॥ एवं धम्मपसंसं तस्स कुणंतस्स हिट्ठहिययस्स । रयणीचरिमे जामे अजीरमाणम्मि आहारे ॥३१।। मणुयाउयम्मि बद्धे उवलद्धे बोहिबीयपुन्नम्मि । सहसा विसूइयाए पंचत्तं झत्ति संजायं ॥३२॥ पाडलिपुत्ते मोरियवंसे पुत्तो असोगसिरिरन्नो। अंधो कुणालनामा निवसइ देसंतकुग्गामे ॥३३।। तप्पुत्तो उववन्नो सव्वंगोवंगचंगिमनिहाणं । उत्तमलक्खवंजणजणियजणाणंदसन्दोहो ॥३४॥ तो तज्जणओ चिंतइ गामे एयम्मि एस मह पुत्तो । नाओ पियामहेणं न होइ जमहं पि पम्हट्ठो ॥३५॥ गंतूणं तो पाडलिपुत्ते नयरम्मि ताव अप्पाणं । पयडेमि गीयनिरुवमकलापओगेण सव्वत्थ ॥३६।। संचिन्तिऊण एवं आगंतूणं पुरम्मि सो कुमरो । रायपहे तो मुच्छातरंगियं गायइ विचित्तं ॥३७|| विविहप्पओगमंदरमहिए विन्नाणअन्नवे तेण । अमिएण व गीएणं अणिमिसनयणो जणो जाओ ॥३८॥ नयरजणाओ वि सुओ रन्ना रसिएण सो समाहूओ । जवणिन्तरओ गायइ तहा जहा तुंबरो सग्गे ॥३९॥ तो रंजिएण रण्णा वरं वरेसु त्ति सायरं भणिओ। पत्थइ कागिणिमित्तं तओ पुणो राइणा भणिओ ॥४०॥ किं भो तुच्छं मग्गसि ? मए पसन्ने जहिच्छियं दिते । कप्पदुमम्मि वि पत्ते न हवइ संकप्पियं किन्नु ? ॥४१॥ पत्थेमि देव रज्जस्स कागिर्णि सा न होइ तुच्छे त्ति । कोडीए किल लोए गरुय च्चिय कागिणी सिद्धा ॥४२॥
25
Jain Education International 2010_02
For Private & Personal Use Only
www.jainelibrary.org
